યશસ્વીનો IPLમાં ઈનિંગના પ્રથમ બોલ પર સૌથી વધુ છગ્ગા ફટકારવાનો રેકોર્ડ

યશસ્વી જયસ્વાલે વિરાટ કોહલી અને રોબિન ઉથપ્પા જેવા દિગ્ગજોનો રેકોર્ડ તોડ્યો છે. હકીકતમાં, ગુરુવારે એમ ચિન્નાસ્વામી સ્ટેડિયમમાં રમાયેલી મેચમાં, આરસીબીએ રાજસ્થાન રોયલ્સને 206 રનનો વિશાળ લક્ષ્યાંક આપ્યો હતો. રાજસ્થાન તરફથી યશસ્વી જયસ્વાલ અને વૈભવ સૂર્યવંશીએ ઇનિંગની શરૂૂઆત કરી, આ દરમિયાન જયસ્વાલે ઇનિંગના પહેલા જ બોલ પર સિક્સર ફટકારી.

જયસ્વાલ આઈપીએલમાં ઇનિંગના પહેલા બોલ પર સૌથી વધુ છગ્ગા ફટકારનાર બેટ્સમેન બની ગયો છે. આ બાબતમાં વિરાટ કોહલી પણ તેનાથી ઘણો પાછળ છે. ભુવનેશ્વર કુમારે આરસીબી માટે પહેલી ઓવર નાખી અને તેના પહેલા જ બોલ પર, જયસ્વાલે પોતાનું બેટ ઘુમાવ્યું અને એક જોરદાર સિક્સર ફટકારી. ઈન્ડિયન પ્રીમિયર લીગના ઇતિહાસમાં આ ત્રીજી વખત છે જ્યારે જયસ્વાલે ઇનિંગના પહેલા બોલ પર સિક્સર ફટકારી છે. આ સિઝનમાં પંજાબ કિંગ્સના પ્રિયાંશ આર્યએ પણ આવું જ કર્યું છે. યશસ્વી જયસ્વાલે પહેલા બોલ પર ત્રણ વખત સિક્સર ફટકારવાની સિદ્ધિ હાંસલ કરી છે. આ યાદીમાં વિરાટ કોહલી, ફિલ સોલ્ટ, રોબિન ઉથપ્પા, નમન ઓઝા, મયંક અગ્રવાલ, સુનીલ નારાયણ અને પ્રિયાંશ આર્યનો પણ સમાવેશ થાય છે. આ બધા બેટ્સમેનોએ પહેલા બોલ પર એક-એક વખત છગ્ગો ફટકાર્યો છે.

યશસ્વી જયસ્વાલ - 3 સિક્સર
વિરાટ કોહલી - 1 સિક્સર
રોબિન ઉથપ્પા -1 સિક્સર
નમન ઓઝા - 1 સિક્સર
મયંક અગ્રવાલ - 1 સિક્સર
સુનીલ નારાયણ - 1 સિક્સર
ફિલ સોલ્ટ - 1 સિક્સર
પ્રિયાંશ આર્ય -1 સિક્સર