WFIએ 11 રેસલરને નકલી બર્થ સર્ટિફિકેટ મામલે ર્ક્યા સસ્પેન્ડ

રેસલિંગ ફેડરેશન ઓફ ઈન્ડિયા એટલે WFIએ 11 કુસ્તીબાજોને લઈને એક મોટો નિર્ણય લીધો જેમાં તેમને નકલી બર્થ સર્ટિફિકેટ સબમિટ કરવા બદલ સસ્પેન્ડ કરવામાં આવ્યા હતા.લાંબા સમયથી ભારતીય કુસ્તીમાં ઘણા કુસ્તીબાજોની ઉંમર અંગે ફરિયાદો નોંધાઈ રહી હતી, ત્યારબાદ દિલ્હી મ્યુનિસિપલ કોર્પોરેશનએ 110 સર્ટિફિકેટની તપાસ કરી જેમાં તેમને કહ્યું કે તેમની તરફથી કોઈ ભૂલ થઈ નથી કારણ કે 95 રજીસ્ટ્રેશન જે વિલંબિત હતા તે MCD ના આદેશ પર કરવામાં આવ્યા હતા.

એક તરફ જ્યારે ઘણા કુસ્તીબાજો તેમની ઉંમર ઓછી બતાવી રહ્યા છે, તો બીજી તરફ તેઓ અન્ય રાજ્યોમાંથી રમવા માટે નકલી રહેઠાણ સર્ટિફિકેટ પણ બનાવી રહ્યા છે. WFI એ ગેરરીતિની શંકાને કારણે મ્યુનિસિપલ કોર્પોરેશન દ્વારા બર્થ સર્ટિફિકેટની ચકાસણી કરાવવાનો નિર્ણય લીધો હતો, ત્યારબાદ 110 માંથી 11 કુસ્તીબાજોના બર્થ સર્ટિફિકેટ નકલી હોવાનું જાણવા મળ્યું. WFI દ્વારા આપવામાં આવેલી માહિતી મુજબ ઘણા કુસ્તીબાજો મૂળ હરિયાણાના હતા પરંતુ તેમ છતાં તેઓ કોઈક રીતે MCD બર્થ સર્ટિફિકેટ મેળવવામાં સફળ રહ્યા જેથી તેઓ દિલ્હીમાં યોજાતી સ્પર્ધાઓમાં ભાગ લઈ શકે.

મીડિયા રિપોર્ટ મુજબ MCD દ્વારા એક નિવેદનમાં તેઓએ જણાવ્યું હતું કે 11 નકલી પ્રમાણપત્રો છે જેમાં ફોટોશોપ દ્વારા છેડછાડ કરવામાં આવી છે અને તેમાં કેટલાક ફેરફારો પણ કરવામાં આવ્યા છે અને તે MCD દ્વારા જાહેર કરવામાં આવ્યા નથી.

દિલ્હી મ્યુનિસિપલ કોર્પોરેશને 11 નકલી જન્મ પ્રમાણપત્ર કેસોના નામ પણ જાહેર કર્યા છે જેનો પર્દાફાશ કર્યો છે. મળતી માહિતી અનુસાર એમસીડી દ્વારા જાહેર કરાયેલા નકલી સર્ટિફિકેટમાં સક્ષમ, મનુજ, કવિતા, અંશુ, આરુષ રાણા, શુભમ, ગૌતમ, જગરૂૂપ ધનકડ, નકુલ, દુષ્યંત અને સિદ્ધાર્થ બાલિયાન નામના નામ હતા. કેટલાક કિસ્સાઓમાં બાળકના જન્મના 12 થી 15 વર્ષ પછી પણ સર્ટિફિકેટ જાહેર કરવામાં આવ્યા હતા.