ઓસ્ટ્રેલિયા સામેની વનડે સિરીઝ માટે ટીમની જાહેરાત, શ્રેયસ ઐયર કેપ્ટન

ભારતીય ક્રિકેટ બોર્ડે 30 સપ્ટેમ્બરથી શરૂૂ થનારી ઓસ્ટ્રેલિયા અ સામેની ત્રણ મેચની ODI સિરીઝ માટે ટીમની જાહેરાત કરી છે. શ્રેયસ ઐયરને કેપ્ટન બનાવવામાં આવ્યો છે. ઓસ્ટ્રેલિયા અ ટીમ હાલમાં ભારતના પ્રવાસે છે લખનૌના એકાના ક્રિકેટ સ્ટેડિયમ ખાતે બે મેચની બિનસત્તાવાર ટેસ્ટ સિરીઝની બીજી મેચ રમી રહી છે. ત્યારબાદ તેઓ ભારત અ ટીમ સામે ત્રણ મેચની ODI સિરીઝ રમશે, જે બધી જ મેચ કાનપુરના ગ્રીન પાર્ક સ્ટેડિયમ ખાતે રમાશે.

અભિષેક શર્મા, તિલક વર્મા અને અર્શદીપ સિંહને ઓસ્ટ્રેલિયા અ સામેની ત્રણ મેચની ODI સિરીઝની પ્રથમ મેચમાં સામેલ કરવામાં આવ્યા નથી, કારણ કે તેઓ એશિયા કપમાં ભાગ લેવાને કારણે મુખ્ય ભારતીય ટીમમાં છે, જે પાછળથી જોડાશે. ભારત અ ટીમની વાત કરીએ તો, રિયાન પરાગ, આયુષ બદોની, રવિ બિશ્નોઈ અને અભિષેક પોરેલનો પણ સમાવેશ કરવામાં આવ્યો છે. ઓસ્ટ્રેલિયા અ સામેની આ સિરીઝની પહેલી મેચ 30 સપ્ટેમ્બરે રમાશે, જ્યારે બીજી અને ત્રીજી મેચ 3 અને 5 ઓક્ટોબરે રમાશે. ત્રણેય મેચ બપોરે 1:30 વાગ્યે શરૂૂ થશે. શ્રેયસ ઐયરની વાત કરીએ તો, તે ઘણા સમયથી ટીમ ઈન્ડિયામાં વાપસી કરવાનો પ્રયાસ કરી રહ્યો છે અને ઓસ્ટ્રેલિયા અ સામેની આ ODI સિરીઝ તેના માટે મહત્વપૂર્ણ રહેશે.