CSKને ઘરઆંગણે 5 વિકેટે હરાવતું સનરાઈઝર્સ

ઇન્ડિયન પ્રીમિયર લીગ (IPL) 2025 ની 43મી મેચમાં સનરાઇઝર્સ હૈદરાબાદ (જછઇં) એ ચેન્નઈ સુપર કિંગ્સ ( CSK)ને તેમના જ હોમ ગ્રાઉન્ડ એમએ ચિદમ્બરમ સ્ટેડિયમ, ચેપોકમાં 5 વિકેટે પરાજય આપ્યો છે. આ જીત સનરાઇઝર્સ હૈદરાબાદ માટે ઐતિહાસિક છે, કારણ કે IPLના ઇતિહાસમાં આ પ્રથમ વખત બન્યું છે કે જ્યારે SRH ચેપોક મેદાન પર ચેન્નઈ સુપર કિંગ્સને હરાવ્યું હોય.

આ જીત સાથે હૈદરાબાદે તેની પ્લેઓફમાં પહોંચવાની આશા જીવંત રાખી છે, જ્યારે ચેન્નઈ માટે પ્લેઓફનો માર્ગ મુશ્કેલ બની ગયો છે. જછઇંએ આ મેચ 8 બોલ બાકી રહેતા જીતી લીધી હતી.

મેચમાં પ્રથમ બેટિંગ કરતા ચેન્નઈ સુપર કિંગ્સે સનરાઇઝર્સ હૈદરાબાદ સામે 155 રનનો લક્ષ્યાંક મૂક્યો હતો. ચેન્નઈ તરફથી ડેવાલ્ડ બ્રેવિસે 42 રનની ઝડપી ઇનિંગ રમીને ટીમને સન્માનજનક સ્કોર સુધી પહોંચાડવામાં મુખ્ય ભૂમિકા ભજવી હતી. સનરાઇઝર્સ હૈદરાબાદ તરફથી હર્ષલ પટેલે શાનદાર બોલિંગ પ્રદર્શન કરતા 4 વિકેટ ઝડપી હતી.
155 રનના લક્ષ્યાંકનો પીછો કરવા ઉતરેલી સનરાઇઝર્સ હૈદરાબાદની શરૂૂઆત ખરાબ રહી હતી. ખલીલ અહેમદે પ્રથમ ઓવરના બીજા બોલ પર જ અભિષેક શર્માને શૂન્ય રને આઉટ કર્યો હતો. સામાન્ય રીતે વિસ્ફોટક બેટિંગ કરનાર ટ્રેવિસ હેડ પણ બેટથી શાંત રહ્યો અને 16 બોલમાં માત્ર 19 રન જ બનાવી શક્યો.

હેનરિક ક્લાસેન પણ 7 રન બનાવીને ઝડપથી આઉટ થતાં SRH એ 54 રનના સ્કોર પર 3 મોટી વિકેટ ગુમાવી દીધી હતી અને મુશ્કેલીમાં મુકાયું હતું. ઇશાન કિશન અને અનિકેત વર્મા વચ્ચે 36 રનની ભાગીદારી થઈ, જેણે SRH ની જીતની આશાને થોડી પાંખો આપી. જોકે, ઇશાન કિશન 44 રન બનાવીને આઉટ થતાં તેમની મુશ્કેલી ફરી વધી. તેના આઉટ થવાના સમયે જછઇંને જીતવા માટે 8 ઓવરમાં 65 રનની જરૂૂર હતી. અનિકેત વર્મા પણ 19 રન બનાવીને નિર્ણાયક ક્ષણે આઉટ થયો.

કામિન્દુ મેન્ડિસનો ઓલરાઉન્ડ દેખાવ
સનરાઇઝર્સ હૈદરાબાદની જીતમાં શ્રીલંકાના યુવા ખેલાડી કામિન્દુ મેન્ડિસે મોટો ફાળો આપ્યો. અગાઉ, ફિલ્ડિંગ કરતી વખતે તેણે CSKના સર્વોચ્ચ સ્કોરર ડેવાલ્ડ બ્રેવિસનો એક અકલ્પનીય કેચ લઈને CSKને મોટો સ્કોર બનાવતા રોક્યું હતું. બેટિંગમાં, કામિન્દુ મેન્ડિસ છઠ્ઠા નંબર પર બેટિંગ કરવા આવ્યો ત્યારે તેની ટીમને જીતવા માટે 8 ઓવરમાં 65 રનની જરૂૂર હતી. અહીંથી મેન્ડિસે એક છેડો સંભાળી રાખ્યો અને 22 બોલમાં 32 રનની અણનમ અને મહત્વપૂર્ણ ઇનિંગ રમી. તેણે નીતિશ કુમાર રેડ્ડી સાથે છઠ્ઠી વિકેટ માટે 49 રનની અણનમ ભાગીદારી કરીને SRH ની જીત સુનિશ્ચિત કરી. તેની ઓલરાઉન્ડર પરફોર્મન્સ અને દબાણ હેઠળની બેટિંગ જોઈને મેન્ડિસને SRH માટે પ8મી અજાયબી સમાન ગણવામાં આવી રહ્યો છે.