ભારત-આફ્રિકા વન-ડે સિરીઝ માટે શ્રીલંકા મહિલા ટીમ જાહેર

શ્રીલંકાના વિમેન્સ ક્રિકેટ ટીમે ભારત અને દક્ષિણ આફ્રિકા સામેની ત્રિકોણીય વન-ડે સિરીઝ માટે બુધવારે 17 સભ્યોની ટીમ જાહેર કરી હતી. માર્ચમાં ન્યૂઝીલેન્ડ સામે શ્રેણીમાં 0-2નો કંગાળ દેખાવ રહ્યા બાદ શ્રીલંકન મહિલા ક્રિકેટ ટીમમાં આઠ જેટલા બદલાવ કરવામાં આવ્યા છે. વરિષ્ઠ ખેલાડી ચમારી અટ્ટાપટ્ટુ ટીમની કેપ્ટન તરીકે યથાવત્ રહેશે જ્યારે મીડિયમ પેસર માલ્કી મદારાને ટીમમાં સામેલ કરાઈ છે જેથી વન-ડેમાં ડેબ્યૂની તક મળશે.

શ્રીલંકા, ભારત અને દક્ષિણ આફ્રિકા મહિલા ટીમો વચ્ચે ત્રિકોણીય સિરીઝનો પ્રારંભ રવિવારે શ્રીલંકા-ભારતની મેચથી થશે. તમામ મેચો આર પ્રેમદાસા સ્ટેડિયમ ખાતે રમાશે. 11મેએ ફાઈનલ યોજાશે.

શ્રીલંકા વિમેન્સ વન-ડે ટીમ: ચમારી અટાપટ્ટુ (સુકાની), વિશ્મી ગુણારત્ને, હર્ષિતા સમરવિક્રમા, નિલાક્ષી સિલ્વા, કાવિશા દિલહારી, અનુષ્કા સંજીવની, હસિની પરેરા, પિયુમી વત્સલા, માનુદી નાનાયક્કારા, દેવમી વિહંગા, ઈનોકા રણવીરા, ઈનોશી ફર્નાન્ડો, હંસિમા કરુણારત્ને, રશ્મિકા સેવ્વાંદી, માલ્કી મદારા, સુગંદિકા કુમારી, અચિની કુલસુર્યા.