એમ.એસ.ધોનીને ICC હોલ ઓફ ફેમમાં સ્થાન

આ સ્થાન મેળવનાર 11મા ભારતીય ખેલાડી બન્યા

આંતરરાષ્ટ્રીય ક્રિકેટ પરિષદે એક મોટો નિર્ણય લીધો. ભૂતપૂર્વ ભારતીય કેપ્ટન એમએસ ધોનીને આઈસીસી હોલ ઓફ ફેમમાં સ્થાન આપવામાં આવ્યું છે. તે આ સ્થાન મેળવનાર 11મો ભારતીય ખેલાડી બન્યો છે. ધોનીની ગણતરી ભારતના સૌથી સફળ કેપ્ટનોમાં થાય છે. ત્રણેય ફોર્મેટમાં ભારત માટે ઉત્તમ રમત બતાવવા ઉપરાંત, તેણે ઉત્તમ કેપ્ટનશીપ પણ કરી છે. એમએસ ધોનીએ 2007માં પોતાની કેપ્ટનશીપ હેઠળ ભારતને T20 વર્લ્ડ કપ જીત અપાવી હતી.

ત્યારબાદ, 2009માં તેણે ભારતીય ટીમને ICC રેન્કિંગમાં પ્રથમ વખત નંબર 1 પર પહોંચાડી. 2011માં તેની કેપ્ટનશીપ હેઠળ 28 વર્ષ પછી ટીમ ઇન્ડિયાને ODI વર્લ્ડ કપમાં જીત અપાવી. આ પછી 2013માં ધોનીની કેપ્ટનશીપ હેઠળ ભારતીય ટીમે 2013માં ચેમ્પિયન્સ ટ્રોફી જીતી. મેન ઇન બ્લુએ ચેમ્પિયન્સ ટ્રોફીની અંતિમ મેચમાં ઇંગ્લેન્ડને હરાવ્યું. ધોની એકમાત્ર કેપ્ટન છે જેણે ભારત માટે T20 વર્લ્ડ કપ, ODI વર્લ્ડ કપ અને ચેમ્પિયન્સ ટ્રોફી જીતી છે. હાલમાં, કોઈ પણ ભારતીય કેપ્ટન તેમની બરાબરી કરી શક્યો નથી.