માન્ચેસ્ટર ટેસ્ટ, ઇંગ્લેન્ડના 2 વિકેટે 225 રન

ઇજાગ્રસ્ત પંતે 54 રન ફટકાર્યા, ઇંગ્લેન્ડના કેપ્ટન બેન સ્ટોક્સે 5 વિકેટ ઝડપી

ભારત અને ઇંગ્લેન્ડ વચ્ચે એન્ડરસન-તેંડુલકર ટ્રોફી 2025 ની ચોથી મેચ માન્ચેસ્ટરના ઓલ્ડ ટ્રેફોર્ડ મેદાન પર રમાઈ રહી છે. આ મેચનો બીજો દિવસ (24 જુલાઈ) સમાપ્ત થઈ ગયો છે. સ્ટમ્પ સુધી ઇંગ્લેન્ડનો સ્કોર બે વિકેટના નુકસાને 225 રન છે. ઓલી પોપ 20 અને જો રૂૂટ 11 રન પર અણનમ છે. ઇંગ્લેન્ડની ટીમ પ્રથમ ઇનિંગના આધારે 133 રન પાછળ છે અને તેની 8 વિકેટ બાકી છે.

મેચમાં, ભારતીય ટીમે પોતાની પ્રથમ ઇનિંગમાં 358 રન બનાવ્યા હતા. ભારત માટે ઋષભ પંત પ્રથમ ઇનિંગમાં અડધી સદી (54 રન) ફટકારવામાં સફળ રહ્યો હતો. ઇંગ્લેન્ડ માટે કેપ્ટન બેન સ્ટોક્સે પાંચ વિકેટ લીધી હતી. ઇંગ્લેન્ડની ટીમ હાલમાં 5 મેચની ટેસ્ટ શ્રેણીમાં 2-1થી આગળ છે. આવી સ્થિતિમાં, શુભમન ગિલની આગેવાની હેઠળની ટીમ ઇન્ડિયા માટે આ મેચ કરો યા મરો જેવી છે.

ભારતની જેમ, યજમાન ઇંગ્લેન્ડે પણ પ્રથમ ઇનિંગમાં શાનદાર શરૂૂઆત કરી હતી. બેન ડકેટ અને જેક ક્રોલીએ શાનદાર બેટિંગ કરી અને પ્રથમ વિકેટ માટે 166 રનની ભાગીદારી કરી. ડકેટે 46 બોલમાં 7 ચોગ્ગાની મદદથી પોતાની ફિફ્ટી પૂર્ણ કરી. ક્રોલીએ 73 બોલમાં પોતાની ફિફ્ટી પૂર્ણ કરી, જેમાં 9 ચોગ્ગાનો સમાવેશ થાય છે. આ સદીની ભાગીદારી રવિન્દ્ર જાડેજાએ તોડી હતી. જાડેજાએ 84 રન બનાવનારા જેક ક્રોલીને આઉટ કર્યો.

ત્યારબાદ અંશુલ કંબોજે 94 રનના વ્યક્તિગત સ્કોર પર ડકેટને આઉટ કરીને પોતાની ટેસ્ટ કારકિર્દીની પ્રથમ વિકેટ લીધી. અહીંથી, જો રૂૂટ અને ઓલી પોપે બીજા દિવસની રમતમાં ભારતને વધુ નુકસાન થવા દીધું નહીં.
ભારતીય ટીમને બીજા દિવસની રમતમાં ટૂંક સમયમાં જ ઝટકો લાગ્યો, જ્યારે રવિન્દ્ર જાડેજા (20 રન) ફાસ્ટ બોલર જોફ્રા આર્ચરના બોલ પર હેરી બ્રુક દ્વારા કેચ આઉટ થયો. જાડેજા તેના પ્રથમ દિવસના સ્કોરમાં ફક્ત એક રન ઉમેરી શક્યો. આ પછી, શાર્દુલ ઠાકુર અને વોશિંગ્ટન સુંદર વચ્ચે છઠ્ઠી વિકેટ માટે 48 રનની ભાગીદારી થઈ. શાર્દુલ 41 રનના વ્યક્તિગત સ્કોર પર બેન સ્ટોક્સનો શિકાર બન્યો. શાર્દુલ 88 બોલની ઇનિંગમાં 5 ચોગ્ગા ફટકાર્યા. શાર્દુલના આઉટ થયા પછી, ઋષભ પંત ફરીથી મેદાન પર બેટિંગ કરવા આવ્યો.

બીજા દિવસે લંચ પછી, બેન સ્ટોક્સે સતત બે વિકેટ લીધી. સ્ટોક્સે પહેલા વોશિંગ્ટન સુંદર (27 રન) ને આઉટ કર્યો. પછી તેણે ડેબ્યુટન્ટ અંશુલ કંબોજને ખાતું પણ ખોલવા દીધો નહીં. સ્ટોક્સ બીજી વખત ટેસ્ટ ક્રિકેટમાં પાંચ વિકેટ લેવામાં સફળ રહ્યો છે. અંશુલના આઉટ થયા પછી તરત જ ઋષભ પંતે પોતાની ફિફ્ટી પૂર્ણ કરી. પંત 54 રન બનાવીને જોફ્રા આર્ચર દ્વારા બોલ્ડ થયો. પંતે 75 બોલની ઇનિંગમાં ત્રણ ચોગ્ગા અને બે છગ્ગા ફટકાર્યા. ભારતની પ્રથમ ઇનિંગની છેલ્લી વિકેટ જોફ્રા આર્ચરે લીધી, જેણે જસપ્રીત બુમરાહને પેવેલિયન મોકલ્યો હતો.