IPLની બ્રાન્ડ વેલ્યુ કેટલાક દેશોની GDPથી પણ વધુ, 1,58,000 કરોડ
ઇન્ડિયન પ્રીમિયર લીગ, જે 2008 માં શરૂૂ થઈ હતી. થોડા જ વર્ષોમાં IPL વિશ્વનું સૌથી ધનિક ક્રિકેટ બની ગયું હતું અને તેની બ્રાન્ડ વેલ્યુ વર્ષ-દર-વર્ષે વધી રહી છે. વર્ષ 2021 સુધી, 8 ટીમો IPL માં ભાગ લેતી હતી, પરંતુ 2022 સીઝનમાં ટીમોની સંખ્યા 10 થઈ ગઈ. હવે એવું કહેવામાં આવી રહ્યું છે કે જો IPL ને એક બિઝનેસ બ્રાન્ડ તરીકે જોવામાં આવે છે, તો તેના મૂલ્યમાં 12.9 ટકાનો વધારો જોવા મળ્યો છે.
વૈશ્વિક રોકાણ બેંક હૌલિહાન લોકીના જણાવ્યા અનુસાર, IPL ની બ્રાન્ડ વેલ્યુ હવે વધીને 18.5 બિલિયન યુએસ ડોલર થઈ ગઈ છે, જે ભારતીય ચલણમાં રૂૂ. 1,58,000 કરોડથી વધુ છે. રિપોર્ટમાં એમ પણ કહેવામાં આવ્યું છે કે BCCI એ તેના ચાર એસોસિયેટ સ્પોન્સર સ્લોટ, My11Circle, Angel One, Rupay અને CEAT દ્વારા રૂૂ. 1,485 કરોડનું વેચાણ કર્યું છે, જે ગયા વર્ષ કરતા 25 ટકા વધુ હોવાનું કહેવાય છે. એવું પણ કહેવામાં આવ્યું હતું કે હવે ટાટા વર્ષ 2028 સુધી IPL ના ટાઇટલ સ્પોન્સર રહેશે.
જો આપણે બધી IPL ફ્રેન્ચાઇઝીઓ પર નજર કરીએ તો, RCB લગભગ 2,304 કરોડ રૂૂપિયાની બ્રાન્ડ વેલ્યુ સાથે ટોચ પર છે. અગાઉ, RCB ની બ્રાન્ડ વેલ્યુ 2,000 કરોડ રૂૂપિયાથી ઓછી હતી. બીજી તરફ, મુંબઈ ઇન્ડિયન્સને બમ્પર ફાયદો મળ્યો છે, જેની બ્રાન્ડ વેલ્યુ 2,073 કરોડ રૂૂપિયા અંદાજવામાં આવી છે. આ કિસ્સામાં MI ફ્રેન્ચાઇઝ બીજા નંબરે છે અને CSK ત્રીજા સ્થાને છે, જેની બ્રાન્ડ વેલ્યુ 2,013 કરોડ રૂૂપિયા હોવાનું કહેવાય છે. રિપોર્ટ અનુસાર, પંજાબ કિંગ્સની બ્રાન્ડ વેલ્યુમાં સૌથી વધુ 39.6 ટકાનો વધારો જોવા મળ્યો છે.
ઘણા દેશોની GDP 5-10 બિલિયન ડોલર પણ નથી, જ્યારે 2025 માં IPL ની બ્રાન્ડ વેલ્યુ 18.5 બિલિયન ડોલર હોવાનો અંદાજ છે. IPL 2025 ની વાત કરીએ તો, રોયલ ચેલેન્જર્સ બેંગ્લોરે પંજાબ કિંગ્સને 6 રને હરાવીને પહેલીવાર ઇન્ડિયન પ્રીમિયર લીગનો ખિતાબ જીત્યો હતો.
