બુમરાહ ઓસ્ટ્રેલિયામાં સૌથી શ્રેષ્ઠ દેખાવ કરનાર બોલર

ઓસ્ટ્રેલિયાની ધરતી પર ભારતની અત્યાર સુધીની સૌથી મોટી જીતનો હીરો હતો કેપ્ટન જસપ્રિત બુમરાહ, જેણે પોતાની તોફાની બોલિંગથી કાંગારૂૂ બેટ્સમેનોને ધમાકેદાર કરીને પ્લેયર ઓફ ધ મેચનો એવોર્ડ મેળવીને પર્થ ટેસ્ટને પોતાની કારકિર્દીની સૌથી મોટી ભેટમાં બદલી નાખી. બુમરાહે આ મેચમાં પ્રથમ દાવમાં પંજો સહિત કુલ આઠ વિકેટ ઝડપી હતી.

આ સાથે જસ્સીએ એવી સિદ્ધિ હાંસલ કરી કે જે બીજા વિશ્વ યુદ્ધ (1939-1945) પછી માત્ર સર રિચાર્ડ હેડલી તેમના કરતા વધુ સારી રીતે કરી શકે. પ્રથમ ટેસ્ટમાં આઠ વિકેટ લઈને બુમરાહે ઓસ્ટ્રેલિયન ધરતી પર સૌથી વધુ વિકેટ લેવાના મામલે ઘઋઈં રવિચંદ્રન અશ્વિનને પાછળ છોડી દીધો. આ મામલામાં કપિલ દેવ (51) અને અનિલ કુંબલે (49) બીજા સ્થાને છે. પર્થ ટેસ્ટમાં તેણે લીધેલી 8 વિકેટ સાથે, બુમરાહે ઓસ્ટ્રેલિયાની ધરતી પર રમાયેલી 8 ટેસ્ટ મેચમાં હવે તેની વિકેટોની સંખ્યા 40 પર પહોંચી ગઈ છે, અશ્વિન ઓસ્ટ્રેલિયામાં 39 વિકેટ લઈને ચોથા ક્રમે આવી ગયો છે.

પરંતુ બુમરાહે ઓસ્ટ્રેલિયામાં જે કામ કર્યું છે તે માત્ર કોઈ ભારતીય જ નહીં, કોઈ એશિયન બોલર પણ ઓસ્ટ્રેલિયામાં કરી શક્યું નથી. બીજા વિશ્વયુદ્ધ બાદ ઓસ્ટ્રેલિયામાં ઓછામાં ઓછી 30 વિકેટ ઝડપનારા સો બોલરોમાં બુમરાહ શ્રેષ્ઠ એવરેજના મામલે બીજા ક્રમે છે.