BCCI 452 કરોડમાં નવો સ્પોન્સર શોધશે, 140 મેચની સ્પોન્સરશિપ મળશે

એશિયા કપ સ્પોન્સર વગર રમાશે ? મહિલા ODI વર્લ્ડ કપ પહેલા ડીલ ફાઈનલ થઈ શકે છે

ભારતીય સંસદમાં ઓનલાઈન ગેમિંગ બિલ પસાર થયા પછી ડ્રીમ11 એ ભારતીય ક્રિકેટ કંટ્રોલ બોર્ડ (BCCI) સાથેનો કરાર સમાપ્ત કરવો પડ્યો. એશિયા કપ 2025 નજીક આવી રહ્યો છે, તેથી BCCI પર દબાણ પણ વધી રહ્યું છે. આ દરમિયાન એક અહેવાલ પ્રકાશિત થયો છે જેમાં કહેવામાં આવ્યું છે કે બોર્ડ 2025-2028 ના સમયગાળા માટે એક નવો સ્પોન્સર લાવવાનું વિચારી રહ્યું છે. એવું કહેવામાં આવી રહ્યું છે કે આ નવો સ્પોન્સરશિપ સોદો લગભગ 452 કરોડ રૂૂપિયાનો હોઈ શકે છે.

ડ્રીમ11 એ વર્ષ 2023 માં BCCI સાથે લગભગ 358 કરોડ રૂૂપિયાનો કરાર કર્યો હતો. પરંતુ નવા ઓનલાઈન ગેમિંગ બિલને કારણે, ડ્રીમ11 ને એક વર્ષ પહેલા જ આ કરાર સમાપ્ત કરવો પડ્યો.BCCI નવા સ્પોન્સરની શોધમાંસૂત્રોએ જણાવ્યું હતું કે BCCI 2025 થી 2028 ના સમયગાળા માટે નવા સ્પોન્સરની શોધમાં છે. આ સમય દરમિયાન ટીમ ઈન્ડિયા લગભગ 140 મેચ રમશે. જો આવું થાય, તો તે પૈસાની દ્રષ્ટિએ ડ્રીમ11 કરતા ઘણો સારો સોદો હશે. આ સ્પોન્સરશિપ ડીલ ફક્ત સ્થાનિક અને વિદેશી મેચો માટે જ નહીં પરંતુ એશિયન ક્રિકેટ કાઉન્સિલ (અઈઈ) અને ઇન્ટરનેશનલ ક્રિકેટ કાઉન્સિલ (ACC) દ્વારા આયોજિત બહુપક્ષીય ટુર્નામેન્ટ માટે પણ લાગુ પડશે.BCCI એ દરેક દ્વિપક્ષીય મેચ માટે 3.5 કરોડ રૂૂપિયાની રકમ પણ નક્કી કરી છે. તે જ સમયે, ACC અને અઈઈ ટુર્નામેન્ટમાં યોજાનારી દરેક મેચ માટે 1.5 કરોડ રૂૂપિયાનો લક્ષ્યાંક નક્કી કરવામાં આવ્યો છે.

આ રકમ ડ્રીમ11 ડીલ કરતાં વધુ હશે, પરંતુ બાયજુના ડીલ કરતાં ઓછી હશે.એશિયા કપમાં ટીમ ઇન્ડિયાની જર્સી કેવી હશે?જ્યાં સુધી એશિયા કપનો સવાલ છે, BCCI તે પહેલાં નવા સ્પોન્સરનું નામ ફાઇનલ કરવા માંગે છે, પરંતુ સમય પૂરો થઈ રહ્યો છે, તેથી ટીમ ઇન્ડિયાની જર્સીને એશિયા કપ પહેલાં નવો સ્પોન્સર ન મળી શકે. પરંતુ મહિલા ODI વર્લ્ડ કપ 2025 પહેલાં આ ડીલ ફાઇનલ થઈ શકે છે.