પડધરીના ઉકરડામાં શેઢાના પ્રશ્ને યુવાન ઉપર બે શખ્સનો હુમલો

પડધરી તાલુકાના ઝાલાના જોધપર ગામે શેઢાના પ્રશ્ને યુવાન પર શેઢા પાડોશી બે શખ્સોએ હુમલો કર્યો હતો હુમલામાં ઘવાયેલા યુવાનને સારવાર માટે ખસેડવામાં આવ્યો હતો.
આ બનાવ અંગે પોલીસમાંથી જાણવા મળતી વિગત મુજબ પડધરીના ઉકરડા ગામે રહેતા પરેશભાઈ રણછોડભાઈ છીપરીયા નામનો 38 વર્ષનો યુવાન ઝાલાના જોધપુર ગામે આવેલી પોતાની વાડીએ હતો ત્યારે બપોરના અઢી વાગ્યાના અરસામા શેઢા પાડોશી મનસુખ અને હીરા નામના શખ્સોએ શેઢાના પ્રશ્ને ઝઘડો કરી માર્યો હતો હુમલામાં ઘવાયેલા યુવકને સારવાર માટે રાજકોટ સિવિલ હોસ્પિટલમાં ખસેડવામાં આવ્યો હતો.
આ ઉપરાંત અન્ય બીજા બનાવમાં વીરપુરમાં આવેલા રાણબાગ વિસ્તારમાં રહેતા ભરત ભીમજીભાઇ સોલંકી નામની 22 વર્ષનો યુવાન સાંજના સાતેક વાગ્યાના સુમારે પોતાના ઘર પાસે હતો ત્યારે નવઘણ અને ભરત સહિતના શખ્સોએ નજીવા પ્રશ્ને ઝઘડો કરી પાઇપ વડે હુમલો કર્યો હતો હુમલામાં ઘવાયેલા યુવકને તાત્કાલિક સારવાર માટે રાજકોટ સિવિલ હોસ્પિટલમાં દાખલ કરવામાં આવ્યો હતો ઉપરોક્ત બંને બનાવ અંગે પોલીસે નોંધ કરી વધુ તપાસ હાથ ધરી છે.