મોરબીની પેપર મિલમાં મોડી રાત્રે આગ ભભૂકી

મોરબીના જૂના લીલાપર રોડ પર આવેલ પાર્થ પેપર મિલમાં કોઈ કારણોસર મોડી રાત્રે આગ લાગતાં ફાયર વિભાગની ટીમને જાણ કરતા ફાયર વિભાગની ટીમ ઘટનાસ્થળે દોડી જઈ આગ પર કાબુ મેળવવા પાણી મારો ચલાવવામાં આવ્યો હતો. મળતી માહિતી મુજબ મોરબીના જૂના લીલાપર રોડ પર આવેલ પાર્થ પેપર મિલમાં કોઈ કારણોસર મોડી રાત્રે આગ લાગી હતી. આ બનાવ અંગે મોરબી ફાયર વિભાગની ટીમને જાણ કરતા ફાયર વિભાગની ટીમ ઘટનાસ્થળે દોડી ગઇ હતી અને આગ પર કાબુ મેળવવા પાણી મારો ચલાવવામાં આવ્યો હતો. તેમજ આસપાસના લોકો અને ફાયર વિભાગની સુઝબુઝને કારણે સદનસીબે કોઇ જાનહાનિ થઈ ન હતી.