સ્ત્રી-2નો બોક્સ ઓફિસ પર દબદબો, 200 કરોડમાં એન્ટ્રી પાકી

રવિવાર સાંજ સુધીનું કલેક્શન રૂા.163 કરોડથી વધુ

શ્રદ્ધા કપૂર અને રાજકુમાર રાવ હાલ ચર્ચામાં છે.. તેનું કારણ તેમની તાજેતરમાં રિલીઝ થયેલી ફિલ્મ સ્ત્રી-2 છે. આ ફિલ્મે ત્રીજા દિવસે 100 કરોડનો આંકડો પાર કરી લીધો હતો, અને ચોથા દિવસે પણ આ ફિલ્મ બોક્સ ઓફિસ પર તગડી કમાણી કરીને હવે 200 કરોડના ક્લબમાં સામેલ થવા તરફ આગેકૂચ કરી રહી છે. સ્ત્રી 2 દરરોજ બોક્સ ઓફિસ પર સફળતાના નવા પરિમાણો સ્થાપિત કરી રહી છે.

આ ફિલ્મ દરેક પસાર થતા દિવસની સાથે મોટી કમાણી કરી રહી છે. પસ્ત્રી 2 નસ્ત્રએ શનિવારે ત્રીજા દિવસે 100 કરોડનો આંકડો પાર કર્યો હતો, અને હવે ચોથા દિવસે આ ફિલ્મે 160 કરોડનો આંકડો પાર કરી લીધો. આ ફિલ્મની રવિવારની કમાણી સાંજના 5.30 સુધીમાં 31.25 કરોડ રૂૂપિયા થઇ છે. કુલ કલેક્શન રૂૂ. 163 કરોડથી વધુ કલેક્શન થયું હતું.