યુનિવર્સિટી રોડ ઉપર કોમ્પ્લક્સના પાર્કિંગમાં લટકતા વાયરમાં ફાંસો ખાઇ યુવકનો આપઘાત

શહેરમાં યુનિવર્સિટી રોડ ઉપર આવેલા સિદ્ધાર્થ કોમ્પલેક્ષના પાર્કિંગમાં લટકતા વાયરમાં ગળેફાંસો ખાઇ નેપાળી યુવાને આપઘાત કરી લીધો હતો યુવકના આપઘાતથી માસુમ બાળકે પિતાની છત્રછાયા ગુમાવતા પરિવારમાં અરેરાટી સાથે ગમગીની છવાઈ જવા પામી છે.આ બનાવ અંગે પોલીસમાંથી જાણવા મળતી વિગત મુજબ યુનિવર્સિટી રોડ ઉપર આવેલા સિદ્ધાર્થ કોમ્પલેક્ષના પાર્કિંગમાં લટકતા વાયરમાં રમેશ પદમસિંહ પરિહાર નામના 28 વર્ષના યુવાને ગળેફાંસો ખાઈ આપઘાત કરી લીધો હતો આ ઘટના અંગે જાણ થતા ગાંધીગ્રામ પોલીસ મથકનો સ્ટાફ તાત્કાલિક ઘટના સ્થળે દોડી ગયો હતો અને પોલીસે જરૂૂરી કાર્યવાહી કરી યુવકના મૃતદેહને નીચે ઉતારી પોસ્ટ મોર્ટમ માટે મેડિકલ કોલેજ ખાતે ખસેડ્યો હતો.પ્રાથમિક પૂછપરછમાં મૃતક રમેશ પરિહાર મૂળ નેપાળનો વતની છે. અને અહીં રહેતા બેન બનેવી સાથે રહેતો હતો. એરપોર્ટ સર્કલ પાસે બનેવીની ખાણી પીણીની લારી છે ત્યાં કામ કરે છે અને રમેશ પરિહારને સંતાનમાં એક પુત્ર હોવાનું જાણવા મળ્યું છે