ધોરાજીમાં શ્રમિક પરિવારના બાળક પર લોખંડનો ડેલો પડતા કરુણ મોત

રાજકોટ જિલ્લાના ધોરાજીમાં પરપ્રાંતીય શ્રમિક પરિવારના દિકરા ઉપર લોખંડનો ડેલો પડતા બાળકને ગંભીર ઈજા થવાથી તેમનું મોત નિપજ્યું હતું. આ બનાવને પગલે પરિવારમાં આક્રંદ છવાયું છે. વિગતો મુજબ, ધોરાજીના સુપેડીગામ નજીક અને રાયઘરાના પુલ પાસે પ્લાસ્ટીકના કારખાનામાં પાંચ વર્ષીય બાળક રમતા રમતા પ્લાસ્ટીકનો મેઈન દરવાજો પાસે પહોંચતા અકસ્માતે લોખંડનો દરવાજો બાળક ઉપર પડતા બાળક દરવાજા નીચે ચગદાઈ ગયો હતો તેને હોસ્પિટલે ખસેડવામાં આવતા ફરજપરના તબીબે મૃત જાહેર કરતા તેમના પરિવાર પર આભ ફાટી પડ્યલું હતું. આ બનાવની જાણ થતાં ધોરાજી પોલીસ પણ હોસ્પિટલે પહોંચી કાગળો કર્યા હતાં.