ધ ફેમિલી મેનની ચોથી સીઝન આવશે, મનોજ બાજપાઇનો સંકેત

હાલમાં મનોજ બાજપાઈને લીડ રોલમાં ચમકાવતી ધ ફેમિલી મેનની ત્રીજી સીઝન પ્રાઇમ વિડિયો પર સ્ટ્રીમ કરવામાં આવી છે. આ સીઝનના અંત પછી ઘણા ફેન્સ ક્ધફ્યુઝનમાં છે કે આ સિરીઝ પૂરી થઈ ગઈ કે પછી હવે એની ચોથી સીઝનનું પ્લાનિંગ કરવામાં આવ્યું છે. હાલમાં સોશ્યલ મીડિયામાં એક યુઝરે મનોજ બાજપાઈને તેને સતાવતો આ સવાલ પૂછી જ લીધો કે મને એટલું તો કહો કે સીઝન 4 આવશે કે તમે સ્ટોરી અહીં પૂરી કરી દીધી છે? આ સવાલના જવાબમાં મનોજે કહ્યું કે સૌના જવાબ ચોથી સીઝનમાં મળશે, જલદી મળીશું. મનોજના આ જવાબે ક્ધફર્મ કરી દીધું છે કે ધ ફેમિલી મેનની ચોથી સીઝન આવવાની છે.