ગાયિકા, અભિનેત્રી મલ્લિકા રાજપૂતનો ફાંસો ખાઇ આપઘાત

ઘર કંકાસથી કંટાળી પગલું ભર્યાની શંકા

મ્યુઝિક ઈન્ડસ્ટ્રી તરફથી ચોંકાવનારા સમાચાર આવ્યા છે. સિંગર વિજય લક્ષ્મી ઉર્ફે મલ્લિકા રાજપૂત યુપીના સુલતાનપુરમાં તેના ઘરે રહસ્યમય સંજોગોમાં મૃત હાલતમાં મળી આવી હતી. મલ્લિકા રાજપૂતની લાશ 13 ફેબ્રુઆરીએ તેના રૂૂમના સીલિંગ ફેન પર લટકતી મળી આવી હતી. મલ્લિકા રાજપૂત ઘર કંકાસથી કંટાળી જતાં અંતિમ પગલું ભર્યું હોવાનું કહેવાઈ રહ્યું છે.

35 વર્ષીય મલ્લિકા રાજપૂત ગાયિકાની સાથે સાથે અભિનેત્રી પણ હતી. તેણે 2014માં કંગના રનૌતની ફિલ્મ રિવોલ્વર રાનીમાં કામ કર્યું હતું. આ ક્રાઇમ કોમેડી ફિલ્મમાં મલ્લિકાએ સહાયક ભૂમિકા ભજવી હતી. પોતાની ફિલ્મ અને રાજકીય કારકિર્દીની ફ્લોપ નીવડયા બાદ મલ્લિકા રાજપૂત આધ્યાત્મિકતાના માર્ગે આગળ વધી હતી. 2022માં તેઓ ઉત્તર પ્રદેશના ભારતીય સવર્ણ સંઘના રાષ્ટ્રીય મહાસચિવ તરીકે ચૂંટાયા હતા. મલ્લિકા એક પ્રશિક્ષિત કથક નૃત્યાંગના પણ હતી. પાછળથી તેમણે પોતાની મેળે ગઝલો લખવાનું પણ શરૂૂ કર્યું, જે તેઓ વિવિધ કવિતા પરિષદોમાં રજૂ કરતા હતા.મલ્લિકાએ ચાર વર્ષ પહેલા પ્રદીપ શિંદે નામના વ્યક્તિ સાથે લગ્ન કર્યા હતા. તેના લગ્નજીવનમાં કડવાશ હોવાનું પણ કહેવાઈ રહ્યું છે.