પાડોશી સાથે ઝઘડો આત્મહત્યા માટે ઉશ્કેરણી નથી: સુપ્રીમ કોર્ટ
સુપ્રીમ કોર્ટે જણાવ્યું હતું કે પાડોશીઓના વિવાદો જે ઉગ્ર દલીલો અને શારીરિક ઝઘડા તરફ દોરી જાય છે તે ભારતીય દંડ સંહિતાની કલમ 306 હેઠળ આત્મહત્યા માટે ઉશ્કેરણીના દાયરામાં આવતા નથી. ન્યાયાધીશ બી.વી. નાગરત્ના અને જસ્ટિસ કે.વી. વિશ્વનાથનની બેન્ચે કર્ણાટક હાઇકોર્ટના ચુકાદાને રદ કર્યો જેમાં એક મહિલાને પાડોશીને આત્મહત્યા માટે ઉશ્કેરવા બદલ ત્રણ વર્ષની જેલની સજા ફટકારવામાં આવી હતી.
સુપ્રીમ કોર્ટે કહ્યું હતું કે આરોપીનો પીડિતાને આત્મહત્યા માટે ઉશ્કેરવાનો અથવા મદદ કરવાનો ઇરાદો ભારતીય દંડ સંહિતા (IPC) ની કલમ 306 હેઠળ કેસ નોંધવા માટે જરૂૂરી છે. કોર્ટે કહ્યું હતું કે તમારા પાડોશીને પ્રેમ કરો એ આદર્શ પરિસ્થિતિ છે, પરંતુ પડોશીઓ સાથે ઝઘડા સામાન્ય છે. આ સામુદાયિક જીવન જેટલા જૂના છે. પ્રશ્ન એ છે કે શું આત્મહત્યા માટે ઉશ્કેરણીનો કોઈ કેસ તથ્યોના આધારે નોંધવામાં આવ્યો છે?
બેન્ચે કહ્યું હતું કે જ્યારે અપીલકર્તાના પરિવાર અને પીડિતાના પરિવાર વચ્ચે ઉગ્ર દલીલ થઈ ત્યારે અમે એ વાત પર વિશ્વાસ કરી શકતા નથી કે શું બંને પરિવારના કોઈપણ સભ્યને આત્મહત્યા કરવા માટે ઉશ્કેરવાનો કોઈ ઈરાદો હતો.
બેન્ચે કહ્યું હતું કે, આ ઝઘડા રોજિંદા જીવનમાં થતા રહે છે અને હકીકતોના આધારે અમે એવું નિષ્કર્ષ પર આવી શકતા નથી કે અપીલકર્તા તરફથી એટલી હદે ઉશ્કેરણી કરવામાં આવી હતી કે પીડિતા પાસે આત્મહત્યા કરવા સિવાય કોઈ વિકલ્પ બચ્યો ન હતો.
આ કેસમાં પીડિતા અને આરોપી મહિલા વચ્ચેનો નાનો ઝઘડો છ મહિના સુધી ચાલુ રહ્યો. પીડિતા એક શિક્ષિત મહિલા હતી જે શિક્ષિકા તરીકે કામ કરતી હતી અને આરોપી તરફથી કથિત સતત હેરાનગતિ સહન કરી શકી નહીં અને તેણે આત્મહત્યા કરવાનું આત્યંતિક પગલું ભર્યું.
