નેશનલ કોન્ફરન્સ કોંગ્રેસ વગર પણ જમ્મુ-કાશ્મીરમાં સરકાર બનાવી શકશે

ચાર અપક્ષોનું સમર્થન મળતા ઓમર અબ્દુલ્લા જોરમાં

જમ્મુ-કાશ્મીરની ચૂંટણીમાં મોટો રાજકીય ખેલ જોવા મળ્યો છે. નેશનલ કોન્ફરન્સને ચાર અપક્ષોનું સમર્થન મળ્યું છે. તે સમર્થનને કારણે હવે નેશનલ કોન્ફરન્સને જમ્મુ-કાશ્મીરમાં કોંગ્રેસ વિના સંપૂર્ણ બહુમતી મળી છે.

આ બાબત એટલા માટે મહત્વની છે કારણ કે અત્યાર સુધી કોંગ્રેસ ઓછી સીટો જીતીને પણ જમ્મુ-કાશ્મીર સરકારમાં થોડો હિસ્સો ધરાવતી હતી, પરંતુ હવે એવું નહીં થાય. મળતી માહિતી મુજબ, નેશનલ કોન્ફરન્સને પ્યારે લાલ શર્મા, સતીશ શર્મા, ચૌધરી મોહમ્મદ અકરમ, રામેશ્વર સિંહનું સમર્થન મળ્યું છે. આ ચારેય અપક્ષોએ જાહેરાત કરી છે કે તેઓ એનસી સરકારને સમર્થન આપવા જઈ રહ્યા છે. તે સમર્થનને કારણે, નેશનલ કોન્ફરન્સ પાસે હવે પોતાના દમ પર 46 ધારાસભ્યોનું સમર્થન છે.

ઓમર અબ્દુલ્લાને કોંગ્રેસ પર વધુ નિર્ભર રહેવાની જરૂૂર નહીં પડે, જો સરકાર ચલાવવામાં કોઈ સમસ્યા હોય તો તેમને બહાર ફેંકી શકાય છે. આ સ્થિતિ હવે દેશની સૌથી જૂની પાર્ટી માટે ચિંતાનું કારણ બની રહી છે કારણ કે હાલમાં તે જમ્મુ-કાશ્મીરમાં નાના ભાઈની ભૂમિકામાં છે. જો તે ભૂમિકા પણ ખતમ થઈ જશે તો જમ્મુ-કાશ્મીરમાં કોંગ્રેસ માટે અસ્તિત્વનો પ્રશ્ન ઊભો થશે.

પરિણામોની વાત કરીએ તો ભાજપે 29 બેઠકો જીતી છે, જ્યારે નેશનલ કોન્ફરન્સ અને કોંગ્રેસના ગઠબંધનને 48 બેઠકો મળી છે.હવે એલજીએ પણ પાંચ ધારાસભ્યોને નોમિનેટ કરવાના છે, આવી સ્થિતિમાં વિધાનસભાનું ચિત્ર થોડું બદલાઈ શકે છે.