કોલકાતાએ રોયલ ચેલેન્જર્સ બેંગ્લોરને ઘરઆંગણે હરાવ્યું

• વેંકટેશની શાનદાર ફિફ્ટી સામે કોહલીના અણનમ 83 એળે ગયા

આઇપીએલ 2024ની 10મી મેચમાં કોલકાતા નાઈટ રાઈડર્સે રોયલ ચેલેન્જર્સ બેંગ્લોરને 7 વિકેટે હરાવ્યું છે. વિરાટ કોહલીની અણનમ 83 રનની ઇનિંગને કારણે પ્રથમ રમત રમીને આરસીબીએ 20 ઓવરમાં 182 રન બનાવ્યા હતા. જવાબમાં કેકેઆરએ 16.5 ઓવરમાં 3 વિકેટ ગુમાવીને લક્ષ્યનો સરળતાથી પીછો કરી લીધો હતો. કેકેઆર માટે ફિલ સોલ્ટે 20 બોલમાં 30 રન, સુનીલ નેરેને 22 બોલમાં 47 રન, વેંકટેશ અય્યરે 30 બોલમાં 50 રન અને શ્રેયસ અય્યરે 24 બોલમાં અણનમ 39 રન બનાવ્યા હતા. આ સાથે હોમ ટીમની જીતનો સિલસિલો પણ તૂટી ગયો છે. કેકેઆરએ પણ બેંગલુરુમાં તેનો મજબૂત રેકોર્ડ જાળવી રાખ્યો હતો.

કોલકાતા નાઈટ રાઈડર્સ ફરી એકવાર રોયલ ચેલેન્જર્સ બેંગલોરને તેમના હોમ ગ્રાઉન્ડ એટલે કે ચિન્નાસ્વામી પર હરાવવામાં સફળ રહી. આરસીબીએ છેલ્લે 2015માં હોમ ગ્રાઉન્ડ પર કેકેઆર સામે જીત મેળવી હતી. કેકેઆરએ બેંગલુરુના હોમ ગ્રાઉન્ડ પર તેમની સામે રેકોર્ડ અકબંધ રાખ્યો હતો. કોલકાતા તરફથી વેંકટેશ અય્યરે 50 રનની સૌથી મોટી ઇનિંગ રમી હતી. આ જીત સાથે કેકેઆરએ કોહલીની શાનદાર ઇનિંગને બરબાદ કરી દીધી.આઇપીએલ 2024ની 10મી મેચમાં રોયલ ચેલેન્જર્સ બેંગ્લોરે પ્રથમ બેટિંગ કરતા 20 ઓવરમાં 6 વિકેટે 182 રન બનાવ્યા હતા. કોહલીએ 4 ચોગ્ગા અને 4 છગ્ગા ફટકારીને ટીમ માટે 83* (59) રનની ઇનિંગ રમી હતી, પરંતુ તે આરસીબીને જીત તરફ દોરી શક્યો ન હતો. આઈપીએલ 2024ની આ પહેલી મેચ હતી જેમાં ઘરઆંગણે ટીમને હારનો સામનો કરવો પડ્યો હતો. કોલકાતાએ બેંગલુરુને 7 વિકેટે હરાવ્યું.ફિલિપ સોલ્ટ અને સુનીલ નરેને પ્રથમ વિકેટ માટે 86 રનની ઝડપી ભાગીદારી કરી અને કેકેઆરને સારી શરૂૂઆત અને 183 રનના લક્ષ્યનો પીછો કરવાનો આત્મવિશ્વાસ અપાવ્યો. આ પછી બાકીનું કામ વેંકટેશ અય્યર અને કેપ્ટન શ્રેયસ અય્યરે કર્યું. બંનેએ ત્રીજી વિકેટ માટે 75 રન જોડ્યા હતા. કેકેઆરના બેટ્સમેનોએ આરસીબીના બોલરો પર જોરદાર હુમલો કર્યો હતો. યશ દયાલ, વિજયકુમાર વૈશ અને મયંક ડાગરે 1-1 વિકેટ લીધી હતી. વિજયકુમાર વૈશ્ય સૌથી વધુ અસરકારક સાબિત થયો હતો. તેણે 4 ઓવરમાં માત્ર 23 રન જ આપ્યા હતા. જ્યારે મયંક ડાગરે 2.5 ઓવરમાં 23 રન અને યશ દયાલે 4 ઓવરમાં 46 રન આપ્યા હતા. અલ્ઝારી જોસેફ સૌથી મોંઘો સાબિત થયો, તેણે 2 ઓવરમાં 34 રન આપ્યા. આ સિવાય મોહમ્મદ સિરાજે 3 ઓવરમાં 46 રન આપ્યા હતા.

આરસીબી વતી 240 સિક્સર ફટકારી ક્રિસ ગેઇલનો રેકોર્ડ તોડતો કોહલી
ચિન્નાસ્વામીના મેદાન પર વિરાટ કોહલીના બેટે ફરી એક વખત આગ લગાવી. કોલકાતા નાઈટ રાઈડર્સના બોલરો કિંગ કોહલી સામે સંપૂર્ણપણે લાચાર જોવા મળ્યા હતા. વિરાટે પોતાના હોમ ગ્રાઉન્ડ પર સતત બીજી અડધી સદી ફટકારી છે. ફિફ્ટી ફટકારવાની સાથે કોહલીએ ક્રિસ ગેલનો મોટો રેકોર્ડ પણ તોડી નાખ્યો છે. આ પછી પણ વિરાટે સતત શક્તિશાળી શોટ ફટકાર્યા અને ખાસ કરીને મિશેલ સ્ટાર્કને નિશાન બનાવ્યો. કોહલીએ મેદાનના ચારેય ખૂણામાં શોટ રમ્યા અને કોલકાતાના દરેક બોલરને પછાડ્યા. વિરાટે આઇપીએલ 2024ની સતત બીજી અડધી સદી 36 બોલમાં પૂરી કરી. વિરાટ કોહલીએ આ અડધી સદીની ઇનિંગ દરમિયાન ક્રિસ ગેલના મોટા રેકોર્ડને પણ તોડી નાખ્યો છે. કિંગ કોહલી હવે આરસીબી તરફથી આઇપીએલમાં સૌથી વધુ સિક્સર ફટકારનાર બેટ્સમેન બની ગયો છે. કોહલીના નામે હવે આરસીબી તરફથી રમતા 240 સિક્સર ફટકારવાનો રેકોર્ડ છે. જ્યારે ગેલે આ ટીમ વતી 239 સિક્સર ફટકારી છે. આ યાદીમાં એબી ડી વિલિયર્સ 238 છગ્ગા સાથે ત્રીજા સ્થાને છે.