ઝારખંડના દેવઘરમાં ભયાનક અકસ્માત: બસ-ટ્રક વચ્ચે જોરદાર ટક્કર થતાં 18 કાવડિયાઓના મોત, 20 ઈજાગ્રસ્ત

ઝારખંડના દેવઘરમાં આજે સવારે એક મોટો અકસ્માત થયો. બસ અને ટ્રક વચ્ચે થયેલી ભીષણ ટક્કરમાં ઓછામાં ઓછા 18 કાવડિયાઓના મોત થયા છે અને ઘણા ઘાયલ થયા છે. તે જ સમયે, ભાજપના સાંસદ નિશિકાંત દુબેએ દાવો કર્યો છે કે 18 શ્રદ્ધાળુઓના મોત થયા છે.

દેવઘર-હંસદીહા મુખ્ય માર્ગ પર મોહનપુર પોલીસ સ્ટેશન વિસ્તારમાં જામુનિયા ચોક નજીક શ્રદ્ધાળુઓથી ભરેલી બસ અને ગેસ સિલિન્ડર ભરેલી ટ્રક વચ્ચે થયેલી ભીષણ ટક્કરમાં, બસ ડ્રાઇવર સહિત 5 શ્રદ્ધાળુઓના ઘટનાસ્થળે જ મોત થયા છે. તે જ સમયે, અકસ્માતમાં 30 શ્રદ્ધાળુઓ પણ ઘાયલ થયા છે. મૃતકોમાં બિહારના ચાર અલગ અલગ જિલ્લાઓની મહિલાઓ અને એક કિશોરનો સમાવેશ થાય છે, ઉપરાંત મોહનપુર પોલીસ સ્ટેશન વિસ્તારનો રહેવાસી બસ ડ્રાઈવર પણ સામેલ છે.

ઘાયલોને સારવાર માટે સદર હોસ્પિટલમાં દાખલ કરવામાં આવ્યા હતા. પ્રાથમિક સારવાર બાદ, બધાને વધુ સારી સારવાર માટે દેવઘર એઈમ્સમાં રિફર કરવામાં આવ્યા છે. અકસ્માતમાં ઘાયલ થયેલા શ્રદ્ધાળુઓના જણાવ્યા અનુસાર, શ્રાવણી મેળાના ત્રીજા સોમવારે દેવઘરમાં બાબા વૈદ્યનાથને પાણી ચઢાવ્યા બાદ મંગળવારે વહેલી સવારે તમામ શ્રદ્ધાળુઓ બસ દ્વારા બાસુકીનાથ જઈ રહ્યા હતા. તે દરમિયાન, રસ્તામાં એક અનિયંત્રિત ટ્રક અને બસ એકબીજા સાથે અથડાઈ હતી. ટક્કર એટલી જોરદાર હતી કે બસના ટુકડા થઈ ગયા.

ઘટના બાદ, સ્થળ પર ખૂબ બૂમો અને ચીસો પડી હતી. સ્થાનિક લોકો અને પોલીસે બચાવ કાર્ય શરૂૂ કર્યું. સદર એસડીઓ રવિ કુમારે જણાવ્યું હતું કે સવારે 4-5 વાગ્યાની વચ્ચે અમને માહિતી મળી હતી કે દેવઘરથી બાસુકીનાથ જઈ રહેલી 32 સીટર બસ નિયંત્રણ બહાર ગઈ અને ટ્રક સાથે અથડાઈ, પછી તે સંતુલન ગુમાવી અને ઈંટો સાથે અથડાઈ.

આ અકસ્માતમાં અત્યાર સુધીમા 18 કાવડીઓના મોત થયા છે અને 30 થી વધુ ઘાયલ થયા છે. ઘાયલોને સદર હોસ્પિટલમાં દાખલ કરવામાં આવ્યા છે. મૃતકો અને ઘાયલ થયેલા બધા ભક્તો બિહારના બેતિયા અને ગયાના રહેવાસી હોવાનું કહેવાય છે.

આ દિવસોમાં શ્રાવણી મેળાને કારણે લાખો ભક્તો ઝારખંડના પ્રખ્યાત બાબા વૈદ્યનાથ ધામના દર્શન કરી રહ્યા છે. ઝારખંડ, બિહાર, પશ્ચિમ બંગાળ, ઉત્તર પ્રદેશ અને દેશ-વિદેશથી શ્રાવણમાં બાબાની પૂજા કરવા માટે ભક્તો આવે છે. દેવઘરમાં આવતા મોટાભાગના ભક્તો બાસુકીનાથ પણ જાય છે. આ કારણે રસ્તામાં ઘણી ભીડ હોય છે.

બધા મૃતકો બિહારના ગયાજીના માસૂમગંજના હોવાનું કહેવાય છે. શ્રદ્ધાળુઓથી ભરેલી બસ દેવઘરથી બાસુકીનાથ જઈ રહી હતી. દેવઘરથી 18 કિમી દૂર સામેથી આવી રહેલા સિલિન્ડર ભરેલા ટ્રક સાથે બસ અથડાઈ હતી પોલીસના જણાવ્યા અનુસાર, બસ ડ્રાઈવરને જોલુ આવી જતા આ અકસ્માત થયો હતો. ટક્કર બાદ ડ્રાઈવર સીટ સાથે રસ્તા પર પટકાયો હતો, તેનું ઘટનાસ્થળે જ મોત નીપજ્યું હતું.

પ્રત્યક્ષદર્શીઓએ જણાવ્યું કે અકસ્માત બાદ ઘટનાસ્થળે ખૂબ જ બૂમો અને ચીસો પડી હતી. સ્થાનિક ગ્રામજનોએ ઘાયલ યાત્રાળુઓને બસમાંથી બહાર કાઢ્યા અને મોહનપુર પોલીસ સ્ટેશનને જાણ કરી.
બસમાં સવાર એક મુસાફર મોતીહારીના સુરેન્દ્ર યાદવે જણાવ્યું બસ સવારે 5 વાગ્યે દેવઘરથી આવી રહી હતી. બસ એલપીજી સિલિન્ડર ભરેલા ટ્રક સાથે અથડાઈ. ત્યારબાદ ડ્રાઈવર સીટ સાથે રસ્તા પર પડી ગયો. તેનું ઘટનાસ્થળે જ મોત થયું ડ્રાઇવર વિના બસ 100 મીટર દોડી ગઈ અને ઇંટોના ઢગલા સાથે અથડાયા પછી અટકી હતી.

અકસ્માતની માહિતી મળતા જ એસપી, થાણેદાર સહિત ઘણા પોલીસ અધિકારીઓ ઘટનાસ્થળે પહોંચી ગયા. રાહત અને બચાવ કાર્ય ચાલુ છે. ઘાયલોને સારવાર માટે સદર હોસ્પિટલમાં મોકલવામાં આવ્યા છે દેવઘર સદર હોસ્પિટલથી પાંચ એમ્બ્યુલન્સ ઘટનાસ્થળે મોકલવામાં આવી છે. અધિકારીઓનું કહેવું છે કે મૃત્યુઆંક વધી શકે છે.