આશા અમર, વિનેશ ફોગાટને મેડલ મળવા અંગે આજે ફેંસલો

ભારતના જાણીતા વકીલ હરીશ સાલ્વે આજેે પેરિસ ઓલિમ્પિકમાંથી કુસ્તીબાજ વિનેશ ફોગાટની ગેરલાયકાત અંગેની કોર્ટ ઓફ આર્બિટ્રેશન ફોર સ્પોર્ટ (સીએએસ)ની સુનાવણીમાં ભારતીય ઓલિમ્પિક સંઘ (આઇઓએ)નું પ્રતિનિધિત્વ કરશે. વિવાદના કાયદાકીય અને પ્રક્રિયાગત પાસાઓને સંબોધવામાં સાલ્વેની કુશળતા નિર્ણાયક બની રહેશે. સાલ્વેએ પાકિસ્તાનમાં જેલમાં બંધ ભારતીય નાગરિક કુલભૂષણ જાધવનો કેસ માત્ર 1 રૂપિયામાં ઈન્ટરનેશનલ કોર્ટ ઓફ જસ્ટિસ (આઇસીજે) માં લડ્યો હતો. પાકિસ્તાનને હારનો સામનો કરવો પડ્યો હતો. ભારતના ભૂતપૂર્વ સોલિસિટર જનરલ અને કિંગ્સ કાઉન્સેલ સાલ્વેએ સમાચાર એજન્સી અગઈંને જણાવ્યું હતું
કે આઇઓએ દ્વારા તેમની નિમણૂક ફોગાટની કોર્ટ ઓફ આર્બિટ્રેશન ફોર સ્પોર્ટ (સીએએસ)માં પ્રતિનિધિત્વ કરવા માટે કરવામાં આવી છે. સીએએસ ખાતે એડહોક સુનાવણી પેરિસ સમય મુજબ સવારે 9:00 વાગ્યે (ભારતીય સમય અનુસાર બપોરે 12:30 વાગ્યે) શરૂૂ થશે.

સીએએસ એ પેરિસમાં એક એડ-હોક ડિવિઝનની સ્થાપના કરી છે, જેની આગેવાની યુનાઇટેડ સ્ટેટ્સના માઇકલ લેનાર્ડ દ્વારા કરવામાં આવી છે, જે ઓલિમ્પિક દરમિયાનની બાબતોનો સામનો કરે છે. આ વિભાગ 17મી એરોન્ડિસમેન્ટમાં પેરિસ જ્યુડિશિયલ કોર્ટમાં સ્થિત છે.

વિનેશ ફોગાટે ગુરુવારે પેરિસ ઓલિમ્પિકની ફાઈનલમાંથી બહાર થયા બાદ કુસ્તીમાંથી નિવૃત્તિની જાહેરાત કરી હતી. રેસલિંગ ફેડરેશન ઓફ ઈન્ડિયાના પ્રમુખ સંજય સિંહે ફોગાટને તેના નિર્ણય પર પુનર્વિચાર કરવા વિનંતી કરીને પ્રતિક્રિયા આપતા કહ્યું કે ફોગાટની જાહેરાત ઉતાવળમાં કરવામાં આવી હોય તેવું લાગે છે અને તેણે ભારત પરત ફર્યા પછી તેના પરિવાર, ફેડરેશન અને અન્ય રમત અધિકારીઓ સાથે તેની નિવૃત્તિ અંગે ચર્ચા કરવી જોઈએ.