રામમંદિર કંડારેલી અભિષેકની ઘડિયાળની કિંમત 34 લાખની
અભિષેક બચ્ચને હાલમાં ઇન્ડિયન સ્ટ્રીટ પ્રીમિયર લીગ (ઈંજઙક)ની ઓપનિંગ સેરેમનીમાં હાજરી આપી હતી. એ વખતે તેણે સ્પેશ્યલ વોચ પહેરી હતી, જેણે બધાનું ધ્યાન પોતાની તરફ ખેંચ્યું હતું. અભિષેકે તેના ઑફિશ્યલ સોશ્યલ મીડિયા અકાઉન્ટ પરથી આ ઇવેન્ટનાં પોતાનાં પિક્ચર્સ શેર કર્યાં હતાં જેમાં તેની ખાસ કેસરી વોચ હાઇલાઇટ થતી હતી. અભિષેકના ચાહકોમાં ચર્ચાનું કેન્દ્ર બનેલી આ ખાસ વોચ લક્ઝરી બ્રેન્ડ જેકબ ઍન્ડ કંપનીનું એપિક રામ જન્મભૂમિ ટિટેનિયમ એડિશન 2 મોડલ છે.
આ બ્રેન્ડની સત્તાવાર વેબસાઇટ પર આ મોડલની કિંમત 34 લાખ રૂૂપિયા છે. આ મોડલ માત્ર એની ખાસ ડિઝાઇનની સાથોસાથ એમાં રહેલાં રામ જન્મભૂમિની સંસ્કૃતિનાં પ્રતીક સમાન ચિહ્નોને કારણે પણ ખાસ છે. આ વોચના ડાયલમાં અયોધ્યાનું મંદિર અંકિત કરવામાં આવ્યું છે. વોચના ડાયલમાં અને પાછળની તરફ હિન્દુ દેવતાઓ કંડારાયેલા છે. જેકબ ઍન્ડ કંપનીએ આ ખાસ ઘડિયાળ ઇથોસ વોચિઝ સાથે મળીને બનાવી છે.
.