ધો.12ના ટોપરને અફીણના ખોટા કેસમાં સંડોવવા બદલ 1 P1, 2 PSI અને 3 કોન્સ્ટેબલને સસ્પેન્ડ કરાયા
મધ્યપ્રદેશના મંદસૌરમાં વિદ્યાર્થીને બસમાંથી ઉતારી ગોંધી રાખી ખોટો કેસ દાખલ કર્યો હતો
મંદસૌર જિલ્લામાં 12મા ધોરણના ટોપરને અફીણની દાણચોરીના કેસમાં ખોટી રીતે ફસાવવાના આરોપો બાદ પોલીસ સામે મોટી કાર્યવાહી કરવામાં આવી છે. મંગળવારે મધ્યપ્રદેશ હાઈકોર્ટની ઈન્દોર બેન્ચમાં આ કેસની સુનાવણી થઈ હતી, જ્યાં મંદસૌરના એસપી વિનોદ કુમાર મીણા કોર્ટમાં હાજર થયા અને મલ્હારગઢ પોલીસની કાર્યવાહી "ગેરકાયદેસર" હોવાનું સ્વીકાર્યું. તપાસ દરમિયાન નિયમોનું પાલન ન કરવા બદલ છ પોલીસકર્મીઓને સસ્પેન્ડ કરવામાં આવ્યા છે.
હકીકતમાં, 5 ડિસેમ્બરના રોજ, સોહનલાલ નામના એક વ્યક્તિ દ્વારા એક અરજી દાખલ કરવામાં આવી હતી, જેમાં આરોપ મૂકવામાં આવ્યો હતો કે મલ્હારગઢ પોલીસે વિદ્યાર્થીનું ચાલતી બસમાંથી ગેરકાયદેસર રીતે અપહરણ કર્યું હતું અને સાંજે તેની સામે ખોટો કેસ દાખલ કર્યો હતો, જેમાં દાવો કરવામાં આવ્યો હતો કે તેમણે 2.71 કિલોગ્રામ અફીણ જપ્ત કર્યું છે.
હાઈકોર્ટ દ્વારા સમન્સ પાઠવવામાં આવેલા એસએસપી વિનોદ કુમાર મીણા મંગળવારે કોર્ટમાં હાજર થયા હતા અને સ્વીકાર્યું હતું કે મલ્હારગઢ પોલીસની કાર્યવાહી ગેરકાયદેસર હતી અને તપાસ પ્રક્રિયા નિયમો મુજબ હાથ ધરવામાં આવી ન હતી.
એસપી મીનાએ કોર્ટને માહિતી આપી કે છ પોલીસ અધિકારીઓને સસ્પેન્ડ કરવામાં આવ્યા છે અને વિભાગીય તપાસ શરૂૂ કરવામાં આવી છે. સસ્પેન્ડ કરાયેલા અધિકારીઓમાં તત્કાલીન સ્ટેશન ઇન્ચાર્જ, બે સબ-ઇન્સ્પેક્ટર અને ત્રણ કોન્સ્ટેબલનો સમાવેશ થાય છે. એસપી મીનાએ જણાવ્યું કે અફીણ દાણચોરીના કેસમાં વિગતવાર તપાસ ચાલી રહી છે.
