મોરબીનાં ધારાસભ્ય અમૃતિયાનો ઓડિયો થયો વાઈરલ: દુકાન ખાલી કરી દે જે, નહિતર હોલ કરી પાડી નાખીશ!
મોરબીના ધારાસભ્ય અનેક વખત વિવાદોમાં રહેતા હોય છે ત્યારે વધુ એક વખત તેઓનું નામ વિવાદમાં જોવા મળી રહ્યું છે હાલ સોશ્યલ મીડિયામાં એક ઓડિયો વાયરલ થઇ રહ્યો છે જેમાં ધારાસભ્ય કાંતિભાઈ અમૃતિયા એક વ્યક્તિ સાથે વાતચીત કરતા સાંભળી સકાય છે જેમાં દુકાન ખાલી કરાવવા મુદે ધારાસભ્ય અપશબ્દો બોલી ધમકાવતા હોવાનું જણાઈ આવે છે જે ઓડિયો વાયરલ થતા હાલ આ વિષય મોરબીમાં ટોક ઓફ ધ ટાઉન બન્યો છે.
સોશ્યલ મીડિયામાં ઓડિયો વાયરલ થયેલો જોવા મળે છે જેમાં ધારાસભ્ય કાંતિભાઈ એક વ્યક્તિ સાથે વાતચીત કરતા સાંભળી સકાય છે જેમાં કાંતિભાઈ વાતચીતની શરૂઆતમાં પોતાની ઓળખ આપે છે અને બાદમાં દુકાન ખાલી કરવાનું કહેતા સામેની વ્યક્તિ દુકાન ખાલી કરવાની ના પાડે છે સામેની વ્યક્તિ ધારાસભ્યને એવું જણાવે છે કે પાંચ વર્ષમાં કમાયો છો તે બધું તમને જ આપી દીધું છે તો દુકાન ખાલી કરવાનું ધારાસભ્ય કહેતા સામેની વ્યક્તિ દુકાન ખાલી કરવાની ના પાડે છે.ત્યારે ધારાસભ્ય કાંતિભાઈ અમૃતિયા હોલ કરી બધું પાડી નાખું હો ત્યારે સામેની વ્યક્તિ જે કરવું હોય તે છૂટ છે તેવું જણાવે છે ત્યારે ફરીથી ધારાસભ્ય કાંતિભાઈ અમૃતિયા ઉશ્કેરાઈ જઈને અપશબ્દો બોલવા લાગે છે અને ધમકાવતા બોલે છે કે છાનોમાનો રહેજે કજીયો થશે અને બાદમાં હોલ કરી પાડી નાખીશ દુકાન ખાલી કરવા ધમકાવતા હોય તેવું વાતચીતમાં જણાઈ આવે છે.તે ઉપરાંત અન્ય એક ઓડિયો પણ વાયરલ થયો છે જેમાં ધારાસભ્ય સાથે સામેની વ્યક્તિ દુકાનના દસ્તાવેજ કરવા સંબંધિત વાતચીત કરતા સાંભળી સકાય છે.