કંડલા સેઝમાં કપડાની બે ફેક્ટરીમાં લાગેલી આગ

કંડલા સ્પેશિયલ ઇકોનોમિક ઝોનમાં શુક્રવારે સવારે મોટી દુર્ઘટના સર્જાઈ હતી. સેક્ટર-2માં આવેલી બાબુ ઇન્ટરનેશનલ અને એક્ષપોલી નામની બે કપડા ફેક્ટરીમાં ભીષણ આગ લાગી હતી. યુનિફોર્મ સહિતના કપડા બનાવતી આ ફેક્ટરીઓમાંથી એક કર્ણાટકના ઉદ્યોગપતિની માલિકીની છે.

આગ બુઝવની કામગીરીમાં ખાનગી એકમના બે ફાયર ફાઈટર અને મનપાના ફાયર બ્રિગેડની ચાર ગાડી મળીને કુલ છ અગ્નિશમન વાહનો જહેમત લઈ રહ્યા છે.
પ્રથમ એક ફેક્ટરીમાં શરૂૂ થયેલી આગે ધીમે ધીમે બીજી ફેક્ટરીને પણ પોતાની ચપેટમાં લીધી હતી. આગની જાણ થતાં જ ખાનગી એકમના ફાયર ફાયટરો અને મહાનગરપાલિકાના અગ્નિશમન વિભાગની ટીમો તાત્કાલિક ઘટનાસ્થળે પહોંચી ગઈ હતી.

આગને કારણે આસપાસના વિસ્તારમાં અફરાતફરીનો માહોલ સર્જાયો હતો.
અગ્નિશમન વિભાગની ટીમો દ્વારા આગ પર કાબૂ મેળવવાની કામગીરી યુદ્ધના ધોરણે હાથ ધરવામાં આવી હતી. આગ લાગવાના ચોક્કસ કારણની તપાસ હજુ ચાલુ છે. પ્રાથમિક અંદાજ મુજબ આગને કારણે લાખો રૂૂપિયાનું નુકસાન થયું હોવાની આશંકા છે, જો કે કોઈ જાનહાની થઈ નથી.