કચ્છના માંડવીમાં ફુગ્ગો ફુલાવા જતા નળીમાં ફસાતા ત્રણ વર્ષના માસૂમનું મોત

શહેરના પોલીસ સ્ટેશન પાછળના ભાગે રહેતા સૈયદ યાસીનશાના ત્રણ વર્ષના પુત્ર સલમાનશાહનું આજે ફુગ્ગો ફુલાવા જતાં તે નળીમાં ફસાતાં તનું કરુણ મૃત્યુ નીપજ્યું હતું.
આ બનાવ અંગે તપાસ કરતાં મળેલી વિગતો મુજબ ફુગ્ગા ફુલાવી રહેલા સલમાનશાહની ઊંધી ફૂંક લાગતાં ફુગ્ગો નળીમાં અટકી ગયો હતો. ઘરની બહાર જ હોઇ તરત સારવાર અર્થે લઇ જવામાં આવ્યો, પરંતુ ગણતરીની મિનિટોમાં જ તબીબની સારવાર નસીબ થાય તે પહેલાં જ તેણે આ ફાની દુનિયા છોડી વિદાય લઇ લીધી હતી. આ બનાવથી કુટુંબ, પરિવાર તથા માંડવીમાં શોકનું વાતાવરણ છવાઇ ગયું હતું.