ન્યૂયોર્કના રોચેસ્ટર પાર્કમાં ગોળીબાર, એકનું મોત

મીટિંગ દરમિયાન ઘટના, 6 ઘાયલ, એક ગંભીર

અમેરિકામાં ગોળીબારની ઘટનાઓ સામાન્ય છે. હવે ન્યૂયોર્કના રોચેસ્ટર પાર્કમાં ફાયરિંગના સમાચાર છે. કહેવામાં આવી રહ્યું છે કે આ ફાયરિંગમાં એક વ્યક્તિનું મોત થયું છે જ્યારે છ લોકો ઘાયલ થયા છે. રોચેસ્ટર પોલીસે જણાવ્યું હતું કે રોચેસ્ટર ફર્સ્ટના જણાવ્યા અનુસાર, 20 વર્ષીય વ્યક્તિને ગોળી મારીને હત્યા કરવામાં આવી હતી. જ્યારે ફાયરિંગમાં એક વ્યક્તિ ઘાયલ થયો હતો.

આ ઘટના રવિવારે સાંજે 6.20 વાગ્યાની આસપાસ બની હતી. અધિકારીઓએ જણાવ્યું હતું કે અપસ્ટેટ ન્યુ યોર્ક સિટીમાં અન્ય પાંચ પીડિતોને નાની ઈજાઓ સાથે હોસ્પિટલમાં દાખલ કરવામાં આવ્યા હતા. મેપલવુડ પાર્કમાં એક મોટી મીટિંગ ચાલી રહી હતી. ત્યારે એક અજાણ્યા બંદૂકધારીએ બધા પર ગોળીબાર કર્યો હતો. ફાયરિંગ બાદ પાર્કમાં નાસભાગ મચી ગઈ હતી. જોકે આ ફાયરિંગમાં એક યુવકનું મોત થયું હતું. જ્યારે પાંચ લોકો ઘાયલ થયા હતા. આ પૈકી એક વ્યક્તિની હાલત ગંભીર હોવાનું કહેવાય છે. પોલીસના જણાવ્યા અનુસાર મીટિંગ દરમિયાન ગોળીબાર કરનાર વ્યક્તિની ઓળખ હજુ સુધી થઈ નથી.