રશિયા પાસે દારૂગોળો ખલાસ?

પુતિનની રણનીતિ અંગે અલગ અલગ અભિપ્રાય, અમુકે પીછેહઠને વ્યુહરચના ગણાવી

યુક્રેને પશ્ચિમી કુર્સ્ક વિસ્તારના કેટલાક વિસ્તાર પર કબજો કરીને રશિયાને મોટો ઝટકો આપ્યો હતો. હવે એવી ચર્ચાઓ પણ શરૂૂ થઈ ગઈ છે કે રશિયા અત્યાર સુધી આનો જવાબ કેમ આપી શક્યું નથી. નિષ્ણાતો આ માટે ઘણા કારણો જણાવે છે. જો કે, એવા અહેવાલો પણ છે કે રશિયાએ ધીમે ધીમે આ કાર્યવાહીનો જવાબ આપવાનું શરૂૂ કર્યું છે. ખાસ વાત એ છે કે ફેબ્રુઆરી 2022માં થયેલા હુમલા બાદ રાષ્ટ્રપતિ વ્લાદિમીર પુતિનના શાસન માટે આને ચોથો મોટો ફટકો માનવામાં આવી રહ્યો છે.

ગયા અઠવાડિયે, યુક્રેનની સેનાએ કિવના ઉત્તર-પૂર્વમાં હુમલો કર્યો હતો, ત્યારબાદ તેણે ઘણા ગામો કબજે કર્યા હતા અને રશિયન સૈનિકોને કબજે કર્યા હતા. અમેરિકી અધિકારીએ જણાવ્યું હતું કે યુક્રેને હુમલા અંગે વ્હાઇટ હાઉસ કે પેન્ટાગોનને જાણ કરી નથી. અહીં પુતિને આ હુમલા માટે યુક્રેનના સહયોગી દેશોને પણ જવાબદાર ઠેરવ્યા છે.રિપોર્ટ અનુસાર, એક અમેરિકી અધિકારીએ કહ્યું કે રશિયાની સેનામાં ક્વિક રિએક્શન ફોર્સનો અભાવ છે, જે ઈમરજન્સીની સ્થિતિમાં એક્શન માટે તૈયાર રહી શકે છે. રશિયન દળોએ આક્રમણ દરમિયાન પૂર્વ અને દક્ષિણ યુક્રેનમાં લાખો તોપખાનાના શેલ છોડ્યા હતા, પરંતુ મોસ્કો કુર્સ્કમાંથી યુક્રેનિયનોને હાંકી કાઢવા માટે ભારે આર્ટિલરીનો ઉપયોગ કરવામાં અનિચ્છા ધરાવે છે, એમ બે અધિકારીઓએ જણાવ્યું હતું.

એક અખબાર સાથે વાત કરતા અધિકારીઓએ કહ્યું કે એક કારણ એ હોઈ શકે છે કે રશિયનો તેમના પોતાના વિસ્તારોમાં હુમલો કરવા નથી માંગતા. અહેવાલો અનુસાર, પૂર્વી યુક્રેનમાં સતત યુદ્ધ બાદ રશિયા પાસે દારૂૂગોળાની પણ અછત પડી શકે છે. એક અમેરિકી અધિકારીનું કહેવું છે કે રશિયાએ કુર્સ્કમાં યુક્રેનિયન દળોનો મુકાબલો કરવા માટે સૈન્ય વધારવાનું શરૂૂ કર્યું છે. ઉપરાંત, રશિયાના ધીમા પ્રતિસાદનું એક કારણ એ છે કે યુક્રેન શું કરવાનો પ્રયાસ કરી રહ્યું છે તેનો તેમને સ્પષ્ટ ખ્યાલ નથી.

એક અમેરિકન અધિકારીએ જણાવ્યું કે યુક્રેનના હુમલાનું એક કારણ રશિયન સૈનિકોને પકડવાનું હોઈ શકે છે, જેનો ઉપયોગ તે કેદીઓના બદલામાં કરી શકે છે. એવું કહેવામાં આવી રહ્યું છે કે 3 હજારથી વધુ યુદ્ધ કેદીઓ અદલાબદલી દ્વારા ઘરે પરત ફર્યા છે. જો કે, હજુ એ સ્પષ્ટ નથી થયું કે બંને પક્ષો પાસે કેટલા યુદ્ધ કેદીઓ છે.
યુક્રેન કહે છે કે તે તેના સપ્લાય રૂૂટને વિક્ષેપિત કરવા માંગે છે. આ હુમલો યુક્રેનની સરહદથી 15 કિલોમીટર દૂર ઝ્વનનોયે ગામ પાસે કરવામાં આવ્યો હતો. વાયુસેના કમાન્ડર માયકોલા ઓલેશ્ચુકે કહ્યું કે, બીજો પુલ નષ્ટ થયો છે, વાયુસેનાના એરક્રાફ્ટે ચોકસાઇ સાથે પુલને ટક્કર મારી હતી. અમે દુશ્મનોને પુરવઠાથી વંચિત રાખવાનું ચાલુ રાખીશું. તેણે હુમલાનો વીડિયો પણ જાહેર કર્યો છે. રશિયન બ્લોગરે નાશ પામેલા પુલની તસવીરો પણ શેર કરી છે. શુક્રવારે, યુક્રેને ગ્લુશકોવો શહેરની નજીક સીમ નદી પરના પુલને નિશાન બનાવ્યું હતું.

યુક્રેનિયન સૈન્યએ કુર્સ્કમાં બીજો પુલ તોડી નાખ્યો. રશિયાના કુર્સ્કમાં સંઘર્ષ ચાલુ છે. અહીં યુક્રેનિયન વાયુસેનાએ સીમ નદી પરના પુલને તોડી પાડ્યો અને નજીકના પુલ પર હુમલો કર્યો. આ પુલ પરથી જ રશિયન સેનાને સૈન્ય અને અન્ય સામાન સપ્લાય કરવામાં આવતો હતો. સરહદ પારથી ઘૂસણખોરીના બે અઠવાડિયાથી ઓછા સમય બાદ આ હુમલો થયો છે. આ હુમલાથી રશિયન સપ્લાય રૂૂટ ખોરવાઈ ગયો છે. પુલના વિનાશને કારણે રશિયાની યુદ્ધ કામગીરીને અસર થઈ શકે છે.