માથે કાચના ગ્લાસ પર બેડું ઊંચકતા રાજસ્થાનીએ અમેરિકા ગાંડુ કર્યુ

અમેરિકા ગોટ ટેલન્ટના જજીસ અયંબિત થયા

રાજસ્થાની મહિલાઓ માથે બેડલું લઈને બેલેન્સ ડાન્સ કરવા માટે જાણીતી છે. જોકે આ જ કારનામું પ્રવીણ પ્રજાપત નામના ભાઈએ ‘અમેરિકા ગોટ ટેલન્ટ’માં રજૂ કરીને ત્યાંના જજીઝને અચંબિત કરી દીધા હતા. મંગળવારે રિલીઝ થયેલા અમેરિકા ગોટ ટેલન્ટના એપિસોડમાં પ્રવીણે માથે એક પર એક એમ લગભગ કાચના 15 ગ્લાસની ઉપર પાણી ભરેલું માટલું મૂકીને ડાન્સ કરવાની પ્રવીણતા દેખાડી હતી અને સ્પર્ધાના જજીઝને અચંબિત કરી દીધા હતા. જોકે પ્રવીણ માટે આ સ્ટન્ટ તો કંઈ નથી. તે ગ્લાસની ઉપર માથે સિલિન્ડર લઈને અને બે હાથમાં બીજાં બે સિલિન્ડર ઊંચકીને પણ ડાન્સ કરી શકે છે. આ કળા તે પોતાના પપ્પા પાસેથી શીખ્યો છે.