બેંક કૌભાંડના આરોપી નિરવ મોદીની 10મી જામીન અરજી ફગાવતી લંડન કોર્ટ

પંજાબ નેશનલ બેંક (PNB)ના હજારો કરોડના કૌભાંડના મુખ્ય આરોપી, ભાગેડુ હીરા વેપારી નીરવ મોદીને લંડનની કોર્ટમાંથી મોટો ઝટકો લાગ્યો છે. કોર્ટે તેની 10મી જામીન અરજી ફગાવી દીધી. સેન્ટ્રલ બ્યુરો ઓફ ઇન્વેસ્ટિગેશન (સીબીઆઈ) એ પોતાના નિવેદનમાં કહ્યું કે આ ભારત માટે એક મોટી સફળતા છે. સીબીઆઈ ટીમે લંડનમાં ક્રાઉન પ્રોસિક્યુશન સર્વિસ (CPS) સાથે મળીને ભારતનો કેસ મજબૂતીથી રજૂ કર્યો.

નીરવ મોદીની જામીન અરજીનો વિરોધ કરવા માટે સીબીઆઈની એક ઉચ્ચ સ્તરીય ટીમ લંડન પહોંચી. આ ટીમમાં અનુભવી તપાસ અધિકારીઓ અને કાયદાકીય નિષ્ણાતો સામેલ હતા. સીબીઆઈની મદદથી, સીપીએસ વકીલે કોર્ટમાં એવી દલીલો રજૂ કરી જે નીરવના કેસને નબળા પાડવામાં નિર્ણાયક સાબિત થઈ. સીબીઆઈએ કોર્ટને ચેતવણી આપી કે નીરવ પર ભારતમાં ગંભીર આર્થિક ગુનાઓનો આરોપ છે
અને તેની મુક્તિથી શરણાગતિ પ્રક્રિયામાં અવરોધ ઉભો થઈ શકે છે.

નીરવ મોદી અને તેના મામા મેહુલ ચોક્સી 2018 માં સામે આવેલા પીએનબી કૌભાંડમાં આરોપી છે. બંનેએ મુંબઈમાં પીએનબી બ્રાન્ચમાંથી નકલી લેટર ઓફ અંડરટેકિંગ (કજ્ઞઞ) દ્વારા 6,498 કરોડ રૂૂપિયાની છેતરપિંડી કરી હતી. મેહુલ ચોક્સી પર 7,000 કરોડ રૂૂપિયાથી વધુની છેતરપિંડીનો આરોપ છે. કૌભાંડ સામે આવે તે પહેલાં જ બંને ભારતમાંથી ભાગી ગયા હતા. આ છેતરપિંડીના કેસમાં તેમને આર્થિક ભાગેડુ જાહેર કરવામાં આવ્યા હતા.

સીબીઆઈ અને એન્ફોર્સમેન્ટ ડિરેક્ટોરેટએ તેમની સામે અનેક ચાર્જશીટ દાખલ કરી હતી. નીરવ મોદી 19 માર્ચ, 2019 થી લંડનની વાન્ડ્સવર્થ જેલમાં બંધ છે. ભારતના સરેન્ડરના અનુરોધ બાદ તેની ધરપકડ કરવામાં આવી હતી. લંડનની વેસ્ટમિન્સ્ટર મેજિસ્ટ્રેટ કોર્ટ અને હાઈકોર્ટમાં તેમના પ્રત્યાર્પણ સામેની અપીલ પણ ફગાવી દેવામાં આવી છે. લંડનની હાઈકોર્ટે ભારત સરકારની તરફેણમાં તેમના શરણાગતિને પહેલાથી જ મંજૂરી આપી દીધી છે.