હોલિવૂડ સ્ટાર જેનિફર લોપેઝને દેવ પટેલ સાથે કામ કરવું છે

જેનિફર લોપેઝનું હોલિવૂડની ફિલ્મોમાં બહુ જાણીતું નામ છે. પરંતુ તાજેતરમાં જેનિફરે ભારતી. કલાકાર દેવ પટેલની પ્રશંસા કરી હતી અને તેમજ તેને દેવની ફિલ્મો જોવી ગમે છે તેવું પણ કહ્યું હતું. તાજેતરમાં જ જેનિફરે પોતાની સાઇફાઈ થ્રિલર ફિલ્મ પએટલાસથ વિશે એક ઇન્ટર્વ્યુમાં દેવ પટેલનાં ટેલેન્ટ અને સિનેમામાં તેના પ્રદાન વિશે પણ વાક કરી હતી.

જેનિફરે ખૂબ ઉત્સાહપૂર્વક દેવનો ઉલ્લેખ કર્યો હતો અને તેની સાથે કામ કરવાની ઇચ્છા પણ વ્યક્ત કરી હતી. લોપેઝે દેવ પટેલના કામના વખાણ કરતાં કહ્યું કે એક મૌલિક અને અનોખો પ્રતિસાદ આપતો કલાકાર છે. સાથે જેનિફરે દેવની ઓડિયન્સને સ્પર્શી જતી એક્ટિંગ સ્કિલના પણ વખાણ કર્યા હતા.

એક તરફ જેનિફર લોપેઝના ફેન્સ તેની અને દેવ પટેલની ફિલ્મની રાહ જોઈ રહ્યા છે, ત્યારે હાલ 54 વર્ષની જેનિફર સાઇફાઈ થ્રિલર એટલાસનાં પ્રમોશનમાં વ્યસ્ત છે. જેમાં તે એક ડેટા એનાલિસ્ટ એટલાસ શેફર્ડની મુખ્ય ભૂમિકામાં છે. જેમાં જેનિફરે આખી ફિલ્મમાં પોતાની હેરસ્ટાઇલ દ્વારા પોતાના કેરેક્ટરની જર્ની બતાવી છે. આ કેરેક્ટર વિશે વાત કરતાં જેનિફરે કહ્યું કે, આ ફિલ્મમાં કેરેક્ટરની હેરસ્ટાઇલ મહત્વની છે.