ઇટાલીમાં બુરખા પર પ્રતિબંધ મૂકતો ખરડો રજુ

ઇટાલીના વડા પ્રધાન જ્યોર્જિયા મેલોનીના નેતૃત્વ હેઠળના જમણેરી પક્ષ બ્રધર્સ ઓફ ઇટાલી એ સંસદમાં એક વિવાદાસ્પદ બિલ રજૂ કર્યું છે જે દેશભરમાં જાહેર સ્થળોએ બુરખો અને નકાબ જેવા ચહેરા ઢંકાયેલા કપડાં પર સંપૂર્ણ પ્રતિબંધ મૂકવાની જોગવાઈ કરે છે. આ પગલાનો હેતુ ઇસ્લામિક અલગતાવાદ અને સાંસ્કૃતિક અલગતાને રોકવાનો છે.

મેલોની સરકારે આને ધાર્મિક કટ્ટરવાદ સાથે જોડી દીધું છે. બિલ હેઠળ, ઉલ્લંઘન કરનારાઓને 300 થી 3,000 યુરો (આશરે ₹26,000 થી ₹2.6 લાખ) સુધીનો દંડ થઈ શકે છે.

8 ઓક્ટોબરના રોજ સંસદમાં રજૂ કરાયેલ આ બિલ, શાળાઓ, યુનિવર્સિટીઓ, દુકાનો, ઓફિસો અને અન્ય તમામ જાહેર સ્થળોએ ચહેરાને સંપૂર્ણપણે ઢાંકતા કપડાં પર સ્પષ્ટપણે પ્રતિબંધ મૂકે છે. ત્રણ પક્ષના સાંસદો દ્વારા રજૂ કરાયેલ આ પ્રસ્તાવ ધાર્મિક કટ્ટરવાદ અને ધાર્મિક રીતે પ્રેરિત નફરત સામે લડવાનો હેતુ ધરાવે છે. મેલોની સરકારનો દાવો છે કે આ પગલું ઇટાલીના સામાજિક એકતાને મજબૂત બનાવશે અને સાંસ્કૃતિક અલગતાને નાબૂદ કરશે.