તું પોલીસમાં અમારા વિરુદ્ધ ખોટી રજૂઆત કેમ કરે છે કહી વેપારીને માર મારી કારમાં તોડફોડ

શહેરના નાનામવા રોડ પર આવેલી વિરલ સોસાયટી પાસે મિત્રને મળવા ગયેલા વેપારી પાસે આવેલા બે શખ્સોએ તુ પોલીસમાં અમારા વિરુદ્ધ ખોટી રજૂઆતો કેમ કરે છે કહી ધોકાવડે હુમલો કર્યા બાદ કારમાં તોડફોડ કરી નુક્શાન કરી ધમકી આપી બન્ને સખ્સો ફરાર થઈ ગયા હતાં. આ બન્ને વિરુદ્ધ માલવિયા પોલીસ મથકમાં વેપારીએ ફરિયાદ નોંધાવી હતી.

વધુ વિગતો મુજબ નાનામૌવા રોડ પર આવેલ શગુન એપાર્ટમેન્ટમાં રહેતા અલ્પેશભાઈ ગોપાલભાઈ દોંગા નામના 40 વર્ષના વેપારીએ પોતાની ફરિયાદમાં રાજદીપ અને અજાણ્યા સખ્સનું નામ આપતા બન્ને સામે પોલીસમાં ફરિયાદ નોંધાઈ છે.

અલ્પેશભાઈએ ફરિયાદમાં જણાવ્યું હતું કે, નાનામૌવા રોડ પર સંભવ કોમ્પલેક્ષમાં પ્રથમ માળે મનીપ્લસ નામે મંડળી ચલાવે છે ગઈકાલે તેઓ વિરલ સોસાયટીમાં રહેતા તેમના મિત્ર શિવરાજસિંહ જાડેજાના ઘર પાસે પોતાની આઈ-20 કાર લઈ મળવા ગયા હતાં ત્યારે રાત્રીના આઠેક વાગ્યે ડબલસવારી બાઈકમાં ધસી આવેલા બે શખ્સોમાંથી એક રાજદીપે તુ પોલીસમાં અમારા વિરુદ્ધ કેમ ખોટી ફરિયાદ કરે છે તેમ કહી ધોકાવડે મારમાર્યો હતો અને આઈ-20 કારમાં ધોકાથી નુક્શાન કર્યુ હતું.તેમજ જતા જતાં આરોપીઓએ ધમકી આપી હતી કે, હવે તુ અમારા વિરુદ્ધ રજૂઆત કરીશ તો તને જાનથી મારી નાખીશ આ મામલે માલવિયા પોલીસ મથકમાં બન્ને સખ્સો વિરુદ્ધ ફરિયાદ નોંધાવી હતી.