વિજયભાઇ રૂપાણીને પંજાબ બાદ યુ.પી.માં મહત્ત્વની જવાબદારી

દસ મહાનગર-જિલ્લાના સંગઠનપર્વનું સુપરવિઝન સોંપાયું

ગુજરાતના પૂર્વ મુખ્યમંત્રી અને ભાજપના વરિષ્ઠનેતા વિજયભાઇ રૂપાણીને ભાજપ હાઇકમાન્ડે પંજાબ બાદ ઉત્તરપ્રદેશમાં પણ મહત્વની જવાબદારી સોંપી છે.

ભાજપ દ્વારા ચાલી રહેલ સંગઠનપર્વ અંતર્ગત દેશભરમાં 80 જેટલા સિનિયર નેતાઓને સંગઠન પર્વના સુપરવિઝનની જવાબદારી સોંપી છે તેમાં રાજકોટના પૂર્વ ધારાસભ્ય વિજયભાઇ રૂપાણીને ઉત્તરપ્રદેશના 10 મહાનગર-જિલ્લાની જવાબદારી સોંપવામાં આવી છે.

વિજયભાઇને ઉત્તરપદેશના મૈનપુરી, બરેલી મહાનગર, બરેલી જિલ્લો, પિલિભિત, બદાયુ, શાહજહાંપુર જિલ્લો, શાહજહાંપુર મહાનગર, કાનપુર ઉતર તથા કાનપુર દક્ષિણની જવાબદારી સોંપવામાં આવેલ છે.