બાઇકમાં ધોકો-તલવાર લઇ નીકળેલા શખ્સોનો વીડિયો વાઈરલ : સાળા-બનેવીની ધરપકડ

• પત્નીને આડાસંબંધ હોવાથી સાળો-બનેવી ડખો કરવા નીકળ્યા’તા : પોલીસે માફી મંગાવતો વીડિયો બનાવડાવ્યો

શહેરના જામનગર રોડ પર બાઇકમાં ધોકો અને તલવાર લઇ નીકળેલા બે શખ્સોનો વિડયો સોશિયલ મિડિયામાં વાયરલ થયો હતો જેના આધારે ક્રાઇમ બ્રાન્ચની ટીમે સાળા-બનેવીને ઝડપી લઇ કાયદાનું ભાન કરાવી માફી માંગતો વિડિયો બનાવડાવ્યો હતો.

જાણવા મળતી વિગત મુજબ જામનગર રોડ પર બાઇકમાં બે શખ્સો એક મિહલાને વચ્ચે બેસાડી અને પાછળ બેઠેલા શખ્સના હાથમાં ધોકો અને પેન્ટના નેફામાં તલવાર ભરાવેલી હોય તેવો વિડિયો સોશિયલ મિડિયામાં વાયરલ થયો હતો.

જેના આધારે ક્રાઇમ બ્રાન્ચના પીઆઇ એમ.આર.ગોંડલીયાના માર્ગદર્શન હેઠળ એએસઆઇ બી.જે.જાડેજા સહિતના સ્ટાફે વિડિયોના આધારે તપાસ કરી માધાપર ગામમાં માધવ પાર્કમાં રહેતા ભાવેશ મનસુખભાઇ વસોયા (ઉ.વ.27)અને તેના સાળા સુનીલસિંહ ભીમસિંહ પરીહાર (નેપાળી.રહે.પરસાણાનગર)ને ઝડપી પાડી બંને વિરુધ્ધ જાહેરનામા ભંગનો ગુનો નોંધી કાયદાનું ભાન કરાવી માફી માંગતા હોવાનો વિડિોયો બનાવડાવ્યો હતો.પ્રાથમિક્ર તપાસમાં આરોપી ભાવેશની પત્નીને અન્ય સાથે આડાસંબધ હોય અને પત્ની તેના ધરે હોવાથી ભાવેશ તેના સાળાને લઇ પત્ની ને લેવા માટે ગયો હતો જેથી સાથે ધોકા-તલવાર રાખ્યા હતા અને બંને ત્યા ડખ્ખો કરી પત્નીને વચ્ચે બેસાડી પરત લઇ જતા હોવાનું જણાવ્યું છે.