હાલારમાં નવરાત્રીનો શુભારંભ: સળગતા અંગારાના મશાલ રાસનું આકર્ષણ

જામનગર શહેરમાં નવરાત્રી પર્વની શરૂૂઆત થતાં જ ભક્તિનો માહોલ જોવા મળી રહ્યો છે. પટેલ સમાજના યુવાનો દ્વારા આયોજિત મશાલ રાસે શહેરમાં નવરાત્રીની રોનક વધારી દીધી છે. આ ધાર્મિક ઉત્સવમાં જામનગરના ધારાસભ્ય દિવ્યેશ અકબરી, શહેર ભાજપ અધ્યક્ષ વિમલ કગથરા, સ્ટેન્ડિંગ કમિટીના ચેરમેન નિલેશ કગથરા સહિત મનપાના અનેક પદાધિકારીઓ ઉપસ્થિત રહીને માતાજીના આશીર્વાદ મેળવ્યા હતા.
પટેલ યુવક મંડળ દ્વારા આયોજિત આ મશાલ રાસમાં યુવાનોએ ભારે ઉત્સાહ સાથે ભાગ લીધો હતો.

આકર્ષક વેશભૂષામાં સજ્જ યુવાનોએ મશાલો લઈને રાસ રમ્યો હતો. આ પ્રસંગે મોટી સંખ્યામાં લોકો ઉમટી પડ્યા હતા અને માતાજીની આરાધનામાં લીન થયા હતા.મશાલ રાસ દરમિયાન આકાશમાં ફૂલોની છાબર વરસાવવામાં આવી હતી અને ડીજેના તાલે લોકો ઝૂમી ઉઠ્યા હતા. નવરાત્રીના આ પર્વમાં જામનગર શહેરમાં અનેક ધાર્મિક કાર્યક્રમોનું આયોજન કરવામાં આવ્યું છે.

આ કાર્યક્રમોમાં શહેરના વિવિધ સમાજના લોકો ભાગ લઈ રહ્યા છે. આમ, જામનગરમાં નવરાત્રી પર્વની શરૂૂઆત ભક્તિ અને ઉત્સાહ સાથે થઈ છે. પટેલ યુવક મંડળ દ્વારા આયોજિત મશાલ રાસે શહેરમાં નવરાત્રીની રોનક વધારી છે. આ પ્રસંગે મોટી સંખ્યામાં લોકો ઉમટી પડ્યા હતા અને માતાજીની આરાધનામાં લીન થયા હતા.