વારંવાર કોર્ટ મુદતથી થાકી ગયેલા યુવાનનો ગળેફાંસો ખાઇ આપઘાત

ઉત્તરપ્રદેશમાં પ્રેમિકાના આપઘાત પ્રકરણમાં ગુનો નોંધાયો હોય કોર્ટમાં તારીખ પે તારીખથી ભાંગી પડયો

કોઠારીયા રોડ તીરૂપતી સોસાયટીમાં પરપ્રાંતીય યુવાને ગળેફાંસો ખાઇ આપઘાત કરી લેતા અરેરાટી મચી ગઇ છે. યુવાનની પ્રેમીકાએ આપઘાત કરી લેતા તેમની ઉતરપ્રદેશની કોર્ટમાં તારીખ પડતી હતી જેથી કંટાળી પગલું ભરી લીધું હતું.

બનાવની મળતી વિગતો અનુસાર, તીરૂપતી સોસાયટીમાં રહેતા મુળ ઉતરપ્રદેશના અવનીશકુમાર દેવેન્દ્રભાઇ ચૌહાણ (ઉ.વ.24)એ ગળેફાંસો ખાઇ આપઘાત કરી લીધો હતો. અવનીશકુમાર કારખાનામાં મજુરી કામ કરતો હતો. એક વર્ષથી અહીં રહેતો હતો. તેમના પરિવારમાંથી જાણવા મળ્યું હતું કે પોતે એક વર્ષ પહેલા પોતે યુવતી સાથે પ્રેમસંબંધ હોય પરિવા એક નહીં થવા દે તેવું લાગતા બન્નેએ ઝેરી દવા પી લીધી હતી. જેમાં યુવતીનું મોત નિપજયું હતું. આ મામલે પોલીસ ફરીયાદ થતા અવનીશ જેલમાં હતો. ત્યાંથી જામીન પર છુટતા તેમની કોર્ટમાં મુદત પડતી હોય 15 દિવસ પહેલા યુપી કોર્ટમાં તારીખમાં ગયા બાદ રાજકોટ આવી ભાઇ અને બનેવી કારખાને ગયા હતા ત્યારે ગળેફાંસો ખાઇ લીધો હતો.