લાખોટા તળાવમાં જીવ સૃષ્ટિ પર સર્જાતું જોખમ કાચબા-માછલાંનાં મોતથી અરેરાટી

શહેરની શાન સમાન લાખોટા તળાવમાં છેલ્લા કેટલાક દિવસોથી માછલીઓ અને કાચબાઓના મોતના સમાચારે લોકોમાં ચિંતા વ્યાપી છે. તળાવના પાણીમાં કોઈ ઝેરી તત્વ હોવાની આશંકાએ લોકોમાં રોષની ભાવના પણ જોવા મળી રહી છે.તળાવમાં મોટા પ્રમાણમાં માછલીઓ અને કાચબાઓ મૃત્યુ પામવાના કારણો અંગે વિવિધ અટકળો લગાવવામાં આવી રહી છે. કેટલાક લોકોનું માનવું છે કે તળાવમાં ઉદ્યોગોનું ગંદુ પાણી છોડવામાં આવતું હશે, જેના કારણે પાણી ઝેરી બન્યું છે. જ્યારે કેટલાકનું માનવું છે કે તળાવમાં ઓક્સિજનની માત્રા ઓછી થઈ ગઈ હશે, જેના કારણે માછલીઓ અને કાચબાઓ દમ ઘૂટીને મરી ગયા હશે.

આ ઘટનાએ જામનગરના નાગરિકોને ચિંતિત કરી દીધા છે. શહેરનું પેરિસ કહેવાતું લાખોટા તળાવ કરોડો રૂૂપિયાના બ્યુટિફિકેશન પાછળ રૂૂપિયા ખર્ચવામાં આવે છે, પરંતુ તળાવના પાણીની ગુણવત્તા જાળવવા માટે કોઈ પૂરતા પ્રયાસો કરવામાં આવતા ન હોવાનો આરોપ લોકો લગાવી રહ્યા છે.જામનગરની જૂની આરટીઓ પાસે તળાવમાં માછીમારી કરતા લોકોએ તળાવમાં માછલીની ઝાડ નાખી હતી જેમાં માછલાઓ અને બે કાચબાઓના મૃત્યુ થયા હતા અને સ્થાનિકોની નજર પડતા માછીમારી કરતાં લોકો ભાગી ગયા હતા અને સ્થાનિકો દ્વારા તે જાળ બહાર કાઢવામાં આવી હતી અને બે કાચબા અને અન્ય માછલાઓના મોત થઈ ગયા હતા આ મસાલાઓને શ્વાન ફાડી ખાતા હતા. આ ઘટનાએ લોકોમાં રોષ વધાર્યો છે અને તંત્રની કામગીરી પર સવાલો ઉઠાવ્યા છે.
આવી ઘટનાઓ પરથી કેટલાક મહત્વના પ્રશ્નો ઉભા થાય છે.

લાખોટા તળાવના પાણીમાં ઝેરી તત્વો છે કે કેમ? જો હા, તો તેનું કારણ શું છે? તળાવના પાણીની ગુણવત્તા જાળવવા માટે શું પગલાં લેવામાં આવી રહ્યા છે? તળાવમાં માછલીઓ અને કાચબાઓના મોત માટે કોણ જવાબદાર છે?આ પ્રશ્નોના જવાબ શોધવા માટે સરકાર અને સ્થાનિક તંત્રને તાત્કાલિક પગલાં લેવાની જરૂૂર છે. તળાવના પાણીના નિયમિત નમૂના લઈને તેની તપાસ કરવી જોઈએ અને પાણીને ઝેરી બનાવતાં કારણોને દૂર કરવા જોઈએ. આ ઉપરાંત, તળાવની આસપાસના વિસ્તારમાં ગંદકી ફેલાવતા લોકો સામે કડક કાર્યવાહી કરવી જોઈએ. લાખોટા તળાવ જામનગરનું ગૌરવ છે અને તેને બચાવવું આપણા સૌની જવાબદારી છે. આપણે સૌએ મળીને તંત્રને દબાણ કરવું જોઈએ કે તેઓ તળાવને બચાવવા માટે યોગ્ય પગલાં લે.

પાછલા તળાવમાં માછલીઓ અને કાચબાઓનું મૃત્યુ: માછીમારો ફરાર
આજે સવારે જામનગરના પાછલા તળાવમાં સ્થિત જૂની આરટીઓ પાસે એક ચોંકાવનારી ઘટના બની હતી. કેટલાક અજાણ્યા શખ્સોએ તળાવમાં માછલી પકડવા માટે જાળ નાખી હતી. આ જાળમાં માછલીઓ ઉપરાંત બે કાચબા પણ ફસાઈ ગયા હતા. જાળમાં ફસાયેલા આ પ્રાણીઓ દમ તોળી રહ્યા હતા. સ્થાનિકોએ આ દ્રશ્ય જોતાં તરત જ માછીમારોને પકડવાનો પ્રયાસ કર્યો, પરંતુ તેઓ ભાગી છૂટ્યા હતા. સ્થાનિકોએ તાત્કાલિક જાળ બહાર કાઢીને માછલીઓ અને કાચબાઓને બહાર કાઢ્યા હતા. પરંતુ દુર્ભાગ્યવશ, બે કાચબા અને અનેક માછલીઓનું મૃત્યુ થઈ ચૂક્યું હતું. મૃત પ્રાણીઓને શ્વાનો ફાડી ખાતા હતા.આ ઘટનાએ સ્થાનિકોમાં રોષની લાગણી ફેલાવી છે. લોકોનું કહેવું છે કે, પાછલા તળાવ શહેરના નાગરિકો માટે આરામનું સ્થળ છે અને અહીં આ પ્રકારની ઘટના બનવી દુર્ભાગ્યપૂર્ણ છે. આવા લોકો સામે કડક કાર્યવાહી કરવાની જરૂૂર છે. આ ઘટનાને પગલે વન વિભાગ અને મહાનગરપાલિકાના અધિકારીઓ ઘટના સ્થળે પહોંચ્યા હતા. તેમણે તપાસ હાથ ધરીને આવા કૃત્ય કરનારાઓ સામે કાર્યવાહી કરવાની ખાતરી આપી છે.