વકીલ હારૂન પાલેજા કેસમાં ત્રીજો આરોપી દિલાવર કકલ પણ ઝડપાયો

• હત્યામાં વપરાયેલું હથિયાર કબજે કરતી પોલીસ, હજુ 12 આરોપી ફરાર

શહેરના વકીલ હત્યાં કેસમાં સીટીબી ડિવિઝન પોલીસે દિલાવર હુસેન કકલ નામના આરોપીને ઝડપી પાડ્યો છે. આ સાથે જ આ કેસમાં ઝડપાયેલા આરોપીઓની સંખ્યા ત્રણ થઈ ગઈ છે. હજુ 12 આરોપીઓને પકડવાના બાકી છે.

પોલીસના જણાવ્યા મુજબ, વકીલ હારુન પલેજા ની કાળમુખાઓ દ્વારા હત્યા કરવામાં આવી હતી. આ ઘટના બાદ પોલીસે તપાસ શરૂૂ કરી હતી અને ગઈકાલે દિલાવર હુસેન કકલ નામના આરોપીને ઝડપી પાડ્યો હતો.

પોલીસની પૂછપરછમાં આરોપીએ હત્યામાં પોતાની સંડોવણી કબૂલી છે. પોલીસે આરોપી પાસેથી હત્યામાં ઉપયોગમાં લેવાયેલું હથિયાર પણ કબજે કર્યું છે. આ કેસમાં અગાઉ પોલીસે બે આરોપીઓને ઝડપી પાડ્યા હતા. પોલીસ હાલ આ કેસમાં વધુ તપાસ કરી રહી છે અને અન્ય આરોપીઓને ઝડપી પાડવાના પ્રયાસ કરી રહી છે.