ચેક રિટર્ન કેસમાં બે-બે વર્ષની સજા અને 2.88 કરોડના દંડના હુકમને કાયમી રાખતી ઉપલી કોર્ટ
1.44 કરોડના ચેક પરત ફરવાના ગુનામાં ટ્રાયલ કોર્ટના હુકમ સામે આરોપીએ અપીલ દાખલ કરી’તી
સૌરાષ્ટ્રના ચર્ચાસ્પદ રૂૂ 1.44 કરોડ ચેક રીર્ટન કેસમાં આરોપી નીખીલ પુજારાને 4 વર્ષની કેદ સાથે ચેકની રકમનો ડબલ રૂૂ.2.88 કરોડનો દંડ ફટકારવામાં આવેલા હુકમો સામે નિખીલ દયાળજી પુજારાએ સેશન્સ અદાલતમાં દાખલ કરેલી બંને અપીલો ચાલી જતા સેશન્સ અદાલતે ટ્રાયલ કોર્ટના હુકમો કાયમ રાખી બંને અપીલો નામંજુર કરી આરોપીને એક વીકમાં ટ્રાયલ કોર્ટમાં સરન્ડર થવાનો હુકમ ફરમાવવામાં આવેલ છે.
આ કેસની હકીકત જોઈએ તો, બેન્કે એકવાયર કરેલ પ્રોપર્ટી 16.50 કરોડમાં અપાવી દેવા વિશ્વાસમાં લઈ રૂૂપિયા દોઢ કરોડ ફરીયાદી પાસેથી મેળવી 20 દિવસમાં કામ પુર્ણ કરવા વચન આપી કામ પૂર્ણ ન કરી રકમની ઉધરાણી કરતા લક્ષ્મીવિલાસ બેન્કનો બનાવટી લેટર અને લેણી રકમ ચુકવવા ચેકો આપી ફરીયાદી પાસેથી બેન્ક સાથે વ્યવહાર કરવા લીધેલ કોરા સહી સિકકાવાળા લેટરપેડમાં રકમ ચુકવાઈ ગયેલનું ફોર્જ લખાણ લખી ફોર્જરી આચર્યા સબંધેની રાજકોટ બી-ડીવીઝન પોલીસ સ્ટેશનમાં ભરતભાઈ નાગજીભાઈ તળાવીયાએ સિધ્ધાર્થ ઓટો જંકશનના માલીક નિખિલ દયાળજી પુજારા તથા અભિષેક ઉર્ફે આનંદ નિખિલ પુજારા વિરૂૂધ્ધ ફરીયાદ નોંધાવી હતી. આરોપી નિખિલ પુજારાએ ફરીયાદી પાસેથી લીધેલ રકમ પરત ચુકવવા આપેલ
72- 72 લાખના બે ચેકો પણ રીટર્ન થતા ભરત તળાવીયાએ આરોપી નિખિલ પુજારા વિરૂૂધ્ધ બંને ચેકો રીટર્ન સબંધે બે ફરીયાદો દાખલ કરેલ, જે કેસો ચાલી જતા બંને કેસોમાં આરોપીને બે-બે વર્ષની સજા અને ચેકની રકમનો ડબલ દંડ ફરમાવતો ચુકાદો ટ્રાયલ કોર્ટ ધ્વારા આપવામાં આવ્યો હતો.ઉપરોક્ત બન્ને કેસોમાં સજાના અને દંડના હુકમો સામે આરોપી નિખીલ પુજારા ધ્વારા સેશન્સ અદાલતમાં અપીલો કરી નીચેની અદાલતના સજા રદ કરવા અને નિર્દોષ છોડી મુકવા કરેલ રજુઆતો સામે મુળ ફરીયાદી ભરત તળાવીયાના એડવોકેટ સુરેશ ફળદુ ધ્વારા કરવામાં આવેલી દલીલો ગ્રાહ્ય રાખી ટ્રાયલ કોર્ટનો બે-બે વર્ષની સજાનો અને ચેકની રકમનો ડબલ દંડનો હુકમ કાયમ રાખી બંને અપીલો નામંજુર કરી આરોપીને એક વીકમાં સરન્ડર થવાનો સેશન્સ અદાલત ધ્વારા ચુકાદાઓ ફરમાવવામાં છે.આ કેસમાં ફરીયાદી વતી એડવોકેટ સુરેશ ફળદુ, ભુવનેશ શાહી, કુણાલ શાહી, ચેતન ચોવટીયા, પાર્થ સંઘાણી, જસ્મીન દુધાગરા, જય પીઠવા, તથા મદદમા યુવરાજ વૈકરીયા, નીરવ દોંગા, પ્રીન્સ રામાણી, ભાવીન ખુંટ, જયમલ મકવાણા, રાહીલ ફળદુ રોકાયા હતા.
