મોસ્ટ અવેટેડ વેબ સિરીઝ પાતાલ લોક-2 શુક્રવારે રિલીઝ થશે, 240 દેશોમાં પ્રીમિયર

તિલોત્તમા શોમ અને અનુરાગ અરોરા જેવા નવા કલાકારો પણ જોવા મળશે

મોસ્ટ અવેટેડ વેબ સિરીઝ પાતાલ લોક 2 સાથે જોડાયેલ અપડેટ આવી ગયું છે. તાજેતરમાં ઓટીટી પ્લેટફોર્મ એમેઝોન પ્રાઇમ વિડિયોએ સોશિયલ મીડિયાપર એક પોસ્ટ શેર કરીને પાતાલ લોક 2માંથી જયદીપ અહલાવતનો ફર્સ્ટ લૂક જાહેર કર્યો હતો. હવે તેણે સિરીઝની રિલીઝ ડેટ જાહેર કરી છે. આ ક્રાઈમ ડ્રામા સિરીઝમાં જયદીપ અહલાવત ઉપરાંત ઈશ્વાકસિંહ અને ગુલ પનાગ મુખ્ય ભૂમિકામાં જોવા મળશે.

પાતાલ લોક સિઝન 2‘ 17 જાન્યુઆરીથી ઓટીટી પ્લેટફોર્મ એમેઝોન પ્રાઇમ વીડિયો પર સ્ટ્રીમ થશે. તેના આઠ એપિસોડ સમગ્ર દેશમાં 240 થી વધુ દેશોમાં પ્રીમિયર થશે.
થોડા દિવસો પહેલા મેકર્સે નપાતાલ લોક 2‘નું ટીઝર રિલીઝ કર્યું હતું. રિલીઝ થયેલા ટીઝરમાં લોહીથી લથબથ જયદીપ અહલાવત ગુંડાઓ સાથે લડતો જોવા મળ્યો હતો. એક શોટમાં તેના કાંડા પર તારીખો XV.XII.XCVII ટેટૂ દર્શાવવામાં આવી હતી, જેનો અર્થ 15 ડિસેમ્બર, 1997 હતો. આ ટેટૂએ લોકોના મનને હચમચાવી નાખ્યું. ગત સીઝનની જેમ બીજી સીઝનની વાર્તા પણ હાથીરામ અને ઈમરાન અંસારીની આસપાસ વણાઈ છે. જોકે, આ વખતે સિરીઝમાં તિલોત્તમા શોમ અને અનુરાગ અરોરા જેવા નવા કલાકારો જોવા મળવાના છે.

‘પાતાલ લોક સિઝન 1’ વર્ષ 2020 માં કોવિડ-19 રોગચાળા દરમિયાન આવી હતી અને તેણે દરેકને દિવાના બનાવી દીધા હતા. તેની વાર્તાએ દરેકને મૂળ સુધી ચોંકાવી દીધા. આ સીરીઝની વાર્તા તરુણ તેજપાલના પુસ્તક ધ સ્ટોરી ઓફ માય એસેસિન પર આધારિત હતી. હવે એ જાણવું રસપ્રદ રહેશે કે સીઝન 2માં શું નવું જોવા મળે છે.