ધંધો કરવો હોય તો દેવું પડે નહિ તો દુકાન બંધ થઇ જાય કહી આરોપીની ધંધાર્થીને ધમકી

• ચંદ્રેશનગર મેઇન રોડ પર બનાવ: કોલ્ડ્રીંકસની દુકાન ધરાવતાં યુવાને ફરિયાદ નોંધાવી

શહેરના ચંદ્રેશ નગર મેઇન રોડ પર આવેલી ગાંધી કોલડ્રિન્ક નામે દુકાને ધરાવતા ધંધાર્થીને આરોપીએ ગાળો આપી મફતમાં સોડા અને વેફર લઈ ગાળો આપી ધંધો કરવો હોય તો આપવું તો પડશે જ નહીં તો મરી ગયો માનજે કહી ધમકી આપી હતી. આ મામલે માલવીયા પોલીસમાં ફરિયાદ નોંધાઈ હતી.

વધુ વિગતો મુજબ, ચંદ્રેશનગરમાં રહેતા સમીર શશીકાંતભાઇ રુપારેલીયા(ઉ.વ.38)એ કરણ ચાવડા નામના શખ્સ વિરુદ્ધ ફરિયાદ નોંધાવી હતી. તેઓએ પોલીસમાં જણાવ્યું હતું કે,હું હાલ ચંદ્રેશનગરમેઇન રોડ પર ગાંધી કોલ્ડ્રીંક્સ નામની દુકાન ચલાવુ છું.તા.10ના રોજ હું મારી દુકાને રાત્રી ના હતો ત્યારે મારી દુકાન ની સામેની શેરીમાં રહેતા કરણ ચાવડા આવેલ અને તેના સાથે એક નાની ઉંમરનું બાળક હતુ જેથી આ કરણએ મારી સાથે કહેલ આને એક વેફર દે અને ભાઈ તારે અહિંયા ધંધો કરવો હોય તો દેવુ તો પડે નહીતર તારી દુકાન બંધ થઇ જાઇ જેથી મેં સભ્યતાથી વાત કરવાનું જણાવતા કરણએ બળજબરીથી જોટ મારીને આ વેફરના બે પેકેટ લઇ લીધા હતા.

તેની સાથેના બાળકને આપી બાદ મને જેમફાવે તે ગાળો આપી મને કહેવા લાગ્યા કે તારે આપવુ તો પડે જ નહીતર મરી ગયો સમજજે કહીને મને જાનથી મારી નાખવાની ધમકી આપી હતી. અગાઉ આશરે દસ દિવસ પહેલા પણ આ કરણ પાંચેક મીત્રો સાથે આવેલ અને મારી દુકાનેથી બધા લોકોએ સોડા પી અને આ બાબતે મેં પૈસા માંગતા મને બે સોડાના પૈસા આપી અને બાકીના આપ્યા નહોતા.આ અંગે માલવીયા નગરના હેડકોન્સ્ટેબલ પી.એચ.ચુડાસમા અને સ્ટાફે વધુ તપાસ આદરી છે.