સગાઇ તોડી નાખવા છતાં યુવક પરાણે સંબંધ રાખવા દબાણ કરતા યુવતીનો આપઘાત

સાગરનગરની યુવતીએ ઝેરી દવા પી જીવન ટુંકાવી લીધું

શહેરના માર્કેટ યાર્ડ પાસે રહેતી સગીરાની સગાઇ તોડી નાખવા છતાં યુવક પરાણે સંબંધ રાખવા દબાણ કરતો હોવાથી યુવતીસે ઝેરી દવા પી આપઘાત કરી લેતા ચકચાર મચી જવા પામી છે. આ બનાવથી યુવતીના પરિવારજનોમાં શોકની લાગણી છવાઇ ગઇ હતી.

જાણવા મળતી વિગત મુજબ માર્કેટ યાર્ડ પાસે આવેલા સાગરનગર શેરી નં.4માં રહેતી રાધીકા ગુણવંતભાઇ ખમાણી (ઉ.વ.19) નામની યુવતીએ ગતા તા.20ના ઝેરી દવા પી લેતા તેણીને સારવાર માટે સિવિલ હોસ્પીટલમાં ખસેડવામાં આવી હતી. જેનું ચાલુ સારવાર દરમિયાન મોત નીપજયું હતું. આ અંગે સિવિલ ચોકીના સ્ટાફે પ્રાથમિક નોંધ કરી આજી ડેમ પોલીસને જાણ કરતા પોલીસે હોસ્પીટલ દોડી જઇ જરૂરી કાર્યવાહી કરી હતી.

પ્રાથમિક તપાસમાં મૃતક રાધીકા એક ભાઇ ત્રણ બહેનમાં મોટી અને તેના પિતા મજુરી કામ કરતા હતા. વધુ તપાસમાં યુવતીના પિતાએ જણાવ્યું કે રાધીકાની સગાઇ સોખડા ગામના યુવક સાથે અગાઇ કરી હતી જે સગાઇ તોડી નાખવા છતા તે યુવક રાધીકાને પરાણે સંબંધ રાખવા દબાણ કરતો હોવાથી પુત્રીએ આ પગલું ભરી લીધાનું જણાવ્યું હતું. આ અંગે પોલીસે વધુ તપાસ હાથ ધરી છે.