રાજકોટ-જામનગરની વેટરન ટીમે હોસ્ટ મહેસાણા વેટરન ટીમને 3-2થી હરાવી

મહેસાણામાં ગુજરાત વેટરન ફૂટબોલર્સ એસોસિએશનની ટૂર્નામેન્ટમાં પ્રથમ મેચમા શાનદાર જીત

મહેસાણા યુનાઇટેડ ફૂટબોલ કલબ દ્વારા આયોજિત ગુજરાત વેટરન ફૂટબોલર્સ એસોસિએશનની ટુર્નામેન્ટનો શાનદાર પ્રારંભ થયો છે. આ ટુર્નામેન્ટમાં રાજ્યભરની વેટરન ટીમો ભાગ લઈ રહી છે. શનિવારે સવારે રાજ્યસભાના પૂર્વ સાંસદ જુગલજી ઠાકોરે કીક મારીને ટુર્નામેન્ટની શરૂૂઆત કરી હતી. ઓએનજીસી પાસેના આંબેડકર સ્ટેડિયમમાં યોજાઈ રહેલી આ ટુર્નામેન્ટમાં 40 વર્ષથી વધુ અને 50 વર્ષથી વધુ ઉંમરની કેટેગરીમાં રાજકોટ, જામનગર, મહેસાણા, ગાંધીનગર, અમદાવાદ, બરોડા અને સુરતની કુલ 6 ટીમો ભાગ લઈ રહી છે. જ્યારે 60 વર્ષથી વધુ ઉંમરની કેટેગરીમાં સૌરાષ્ટ્ર અને રેસ્ટ ઓફ ગુજરાતની 2 ટીમોએ ભાગ લીધો હતો.

રાજકોટ-જામનગરની વેટરન ટીમે હોસ્ટ મહેસાણા વેટરન ટીમને 3-2થી હરાવી હતી. જ્યારે 60 વર્ષથી વધુ ઉંમરની કેટેગરીની મેચ 2-2થી ડ્રો રહી હતી. આ ટુર્નામેન્ટને સફળ બનાવવા ખઊઞઋઈના મનોજ રાવત, સંજય ફર્નાન્ડિઝ, શંભુ યાદવ, અમિતપાલ તોમર, ભરત વાઘડિયા સહિતની ટીમે ખૂબ જહેમત ઉઠાવી છે. ગુજરાત વેટરન્સ ફૂટબોલર્સ એસોસિએશનના પ્રમુખ આનંદ જી માડમે આ ટુર્નામેન્ટની સફળતા બદલ સૌ કોઈને અભિનંદન પાઠવ્યા છે. ગઈકાલે રવિવારે મોડી સાંજે ટુર્નામેન્ટનું સમાપન થયુ હતુ. આ ટુર્નામેન્ટ મહેસાણાના યંગ બોયઝ-ગર્લ્સ અને ગુજરાતભરના વેટરન્સ માટે એક ઉત્તમ મંચ બની રહ્યો હતો.