ધો.9થી 12ના પાઠય પુસ્તકોના ભાવ 20 ટકા ઘટશે

નેશનલ કાઉન્સિલ ઓફ એજ્યુકેશનલ રિસર્ચ એન્ડ ટ્રેનિંગ (NCERT)ના ધોરણ 9 થી 12 સુધીના પુસ્તકોની કિંમતમાં ઘટાડો થશે. NCERT અનુસાર ધોરણ 9 થી 12 સુધીના પુસ્તકોની કિંમતમાં 20 ટકાનો ઘટાડો થશે. આ જાહેરાત NCERTના ડાયરેક્ટર દિનેશ પ્રસાદ સકલાનીએ 16 ડિસેમ્બરે એક કાર્યક્રમમાં કરી હતી.

કેન્દ્રીય શિક્ષણ પ્રધાન ધર્મેન્દ્ર પ્રધાને જાહેરાત કરી હતી કે આગામી વર્ષથી નેશનલ કાઉન્સિલ ઓફ એજ્યુકેશનલ રિસર્ચ એન્ડ ટ્રેનિંગ (NCERT)ના પાઠ્યપુસ્તકોના ભાવ કેટલાક વર્ગો માટે ઘટાડવામાં આવશે.

કેન્દ્રીય શિક્ષણ પ્રધાન પ્રધાને જણાવ્યું હતું કે પરિષદ હાલમાં દર વર્ષે પાંચ કરોડ પાઠ્યપુસ્તકો પ્રકાશિત કરે છે. આગામી વર્ષથી તેની ક્ષમતા વધારીને 15 કરોડ કરવા માટે કામ કરવામાં આવી રહ્યું છે. તેમણે કહ્યું કે ધોરણ 9 થી 12 ના અભ્યાસક્રમ મુજબ નવા પાઠ્ય પુસ્તકો શૈક્ષણિક સત્ર 2026-27 થી ઉપલબ્ધ થશે. દરમિયાન, ધોરણ 1-8 માટે પાઠયપુસ્તકો પ્રતિ નકલ 65 રૂૂપિયામાં વેચવાનું ચાલુ રહેશે. NCERT પાઠ્યપુસ્તકોની પહોંચ વધારવા માટે, NCERT અને ઋહશાસફિિં વચ્ચે એક એમઓયુ પર હસ્તાક્ષર કરવામાં આવ્યા છે.

શિક્ષણ મંત્રીએ કહ્યું કે જ્યારે મોટી સંખ્યામાં પુસ્તકો પ્રકાશિત થશે ત્યારે કેટલાક વર્ગો માટે પાઠય પુસ્તકોના ભાવમાં ઘટાડો કરવામાં આવશે.

કોઈપણ વર્ગ માટે પુસ્તકોના ભાવમાં કોઈ વધારો કરવામાં આવશે નહીં. તેમણે કહ્યું કે ધોરણ 9 થી 12 માટે નવા રાષ્ટ્રીય અભ્યાસક્રમ ફ્રેમવર્ક (ગઈઋ) મુજબ પાઠયપુસ્તકોનું પ્રકાશન ચાલુ છે, જે નવા શૈક્ષણિક સત્ર સુધી ઉપલબ્ધ રહેશે.

NTA માત્ર પ્રવેશ પરીક્ષા લઇ શકશે
કેન્દ્રીય શિક્ષણ પ્રધાને સંસદમાં જણાવ્યું હતું કે કેન્દ્રીય યુનિવર્સિટીઓના UG અને PG પ્રોગ્રામ્સમાં પ્રવેશ માટે CUET પરીક્ષા વર્ષમાં માત્ર એક જ વાર લેવામાં આવશે. તેમણે કહ્યું કે 2025થી નેશનલ એક્ઝામિનેશન એજન્સી માત્ર પ્રવેશ પરીક્ષાઓ જ આયોજિત કરશે.