ONGCના નવા માર્જીન નિયમથી 300 હેકટરમાં ડેવલપમેન્ટ અટક્યું

ONGC પાઇપલાઇન્સ જે જમીનમાંથી પસાર થાય છે તેના પર સલામતી માર્જિન અંગેના નવા આદેશથી જમીન માલિકો અને વિકાસકર્તાઓ મુશ્કેલીમાં મુકાયા છે. ઓઇલ કંપનીએ તાજેતરમાં તેના નિયમો ફરીથી બનાવ્યા છે જેમાં તેની ઓઇલ પાઇપલાઇન્સ અને કુવાઓની આસપાસના બફર ઝોનને અનુક્રમે 12 મીટરથી 30-45 મીટર સુધી વધારીને 15 મીટર અને 90 મીટર કરવામાં આવ્યા છે. આ ફેરફારથી અમદાવાદ શહેર અને આસપાસના વિસ્તારોમાં 10 લાખ ચોરસ મીટરથી વધુ વિસ્તાર પર વિકાસ યોજનાઓ બદલાઈ શકે છે, જેમાં વટવા, વસ્ત્રાલ અને નિકોલ જેવા પૂર્વીય વિસ્તારોમાં 300 હેક્ટર પર વિકાસ અટકી ગયો છે, જ્યાં નોંધપાત્ર સંખ્યામાં ONGC પાઇપલાઇન્સ છે.

અમદાવાદ મ્યુનિસિપલ કોર્પોરેશન (અખઈ)ના એક અધિકારીએ નામ ન આપવાની શરતે જણાવ્યું હતું કે, ONGC ની ઓઇલ પાઇપલાઇન મોટેરા, થલતેજ, બોડકદેવ, ઘાટલોડિયા, વસ્ત્રાલ, નિકોલ અને વટવામાંથી પસાર થાય છે. કંપની પાસે સોલા, ઓગણજ અને વસ્ત્રાલ જેવા વિસ્તારોમાં કુવાઓ છે. કુવાઓ અથવા પાઇપલાઇનવાળા પ્લોટ પર બાંધકામ યોજનાઓને મંજૂરી આપતા પહેલા ONGCનો અભિપ્રાય લેવો આવશ્યક છે. ONGC દ્વારા વધુ અંતર ઉમેરવાથી મંજૂરી માટે યોજનાઓ સબમિટ કરવામાં અવરોધ ઉભો થયો છે. ઘણા જમીન માલિકોએ તેમના પ્લોટ પર વિકાસ અટકાવી દીધો છે.

અધિકારીએ ઉમેર્યું હતું કે, વસ્ત્રાલ, વટવા અને નિકોલ જેવા વિસ્તારોમાં, 300 હેક્ટરમાં ફેલાયેલી ચાર ટાઉન પ્લાનિંગ યોજનાઓ પ્રભાવિત થઈ છે. એક ONGC કૂવો આસપાસના પાંચથી દસ પ્લોટને અસર કરે છે, જેના કારણે માર્જિન તરીકે વધુ જમીન છોડવી પડે છે, જેના કારણે જમીન માલિકો મંજૂરી માટે વિકાસ યોજનાઓ સબમિટ કરી શકતા નથી.

ONGC લાઇન ઘાટલોડિયાના સત્તધાર ક્રોસરોડ્સથી જજીસ બંગલા રોડ થઈને જૠ રોડ અમદાવાદ સુધી પસાર થાય છે. અહીં, 12 મીટરનો ગાળો છોડીને વિકાસ કરવામાં આવ્યો હતો. જોકે, પુનર્વિકાસ માટે, હવે 15 મીટરનું અંતર બાકી રાખવું પડશે,