મોટી પાનેલી પંથકમાં દોઢથી ચાર ઇંચ વારસાદ

ફુલઝર ડેમની સપાટી 48.5 ફૂટે પહોંચી

પાનેલી મોટી તેમજ આસપાસ ના ગામો માં મેઘરાજા મન મૂકીને વરસતા આજે બપોરે વરસાદે સટાસટી બોલાવી હતી પાનેલીમાં દોઢ ઇંચ જયારે ઉપરવાસ ના ગામો માંડાસણ બુટાવદર સાતાવડી માં ચાર થી પાંચ જેટલો વરસાદ વરસી જતા પાનેલીન ફુલઝર ડેમમાં પાણીની ધીંગી આવક થઇ છે ડેમની સપાટી હાલ સાડા અડતાલીસ ફૂટ પહોંચી છે હજુ પાણી ની આવક ચાલુ હોય સપાટી વધવાના સંકેત છે ડેમમાં પાણી ભરાતા ખેડૂતો માં ખુશી નો માહોલ જોવા મળ્યો છે ફુલઝર ડેમ પાનેલી ઉપરાંત ખારચીયા ભાયાવદર કોલકી ના ખેડૂતો માટે જીવાદોરી સમાન છે હજુ તો ડેમમાં બત્રીસ તેત્રીસ ફૂટ જેટલો તો ગાર ભરેલો છે તેમછતાં ગોંડલબાપુ વખત ના આ સવાસો વર્ષ જૂના ડેમ માં માત્ર સત્તર અઢાર ફૂટ પાણી ભરાતું હોય તો પણ આખુ વર્ષ પીવાનું ઉપરાંત સિંચાઈ નું પાણી હજારો હેક્ટર જમીન સુધી પહોંચે છે જો ગાર નીકળી જાય તો વર્ષો સુધી પાણી સચવાય રહે.

દ્વારકા વિસ્તારમાં ફસાયેલા લોકોને રેસ્ક્યુ કરાયા
દેવભૂમિ દ્વારકા જિલ્લામાં શનિવારે સાંજથી મહદ અંશે મેઘરાજાએ બ્રેક રાખી હતી. આ વચ્ચે ભાણવડ તાલુકામાં સવા ઈંચ, કલ્યાણપુરમાં 1 સહિત સાર્વત્રિક વિસ્તારોમાં ભારે તેમજ હળવા ઝાપટા વરસ્યા હતા.
રવિવારે સવારથી ભાણવડ તાલુકામાં ધીમી ધારે એક ઈંચ (25 મી.મી.) તેમજ આજે સવારે વધુ 6 મી.મી. મળી કુલ 31 મી.મી., કલ્યાણપુરમાં સવાર સુધીમાં 25 મી.મી. તથા ખંભાળિયામાં 10 મી.મી. વરસાદ નોંધાયો છે. ત્યારે દ્વારકામાં મેઘરાજાએ મહદ્ અંશે વિરામ રાખતા લોકોએ રાહતનો દમ ખેંચ્યો હતો.

જિલ્લામાં કુલ વરસાદ ખંભાળિયામાં 964, દ્વારકામાં 983, કલ્યાણપુરમાં 912 અને ભાણવડમાં 517 મી.મી. નોંધાયો છે.

દ્વારકામાં તાજેતરના અતિ ભારે વરસાદના પગલે દ્વારકા નગરપાલિકા તથા પોલીસ તંત્ર દ્વારા આવળપરા વિસ્તારમાં પાણીમાં ફસાયેલા નવ જેટલા લોકોને રેસ્ક્યુ કરીને સુરક્ષિત સ્થળે ખસેડ્યા હતા. દ્વારકામાં ભરાયેલા કેડસમા પાણીના નિકાલ માટે તંત્ર દ્વારા વિવિધ પ્રકારના મશીનો વડે નોંધપાત્ર કામગીરી કરવામાં આવી હતી.