ધ્રોલના લતીપરમાં બે બાઈક અથડાતા વૃદ્ધ ચાલકનું મોત

ધ્રોલ તાલુકાના લતીપર ગામે રહેતા વૃદ્ધ પોતાનું બાઈક લઈ વાડીએથી ઘરે જતા હતા ત્યારે અન્ય બાઈક સાથે અકસ્માત થયો હતો. અકસ્માતમાં ગંભીર રીતે ઘવાયેલા વૃદ્ધનું મોત નિપજતા પરિવાર શોકમાં ગરકાવ થયો હતો.
આ બનાવ અંગે પોલીસમાંથી જાણવા મળતી વગત મુજબ ધ્રોલત ાલુકાના લતીપર ગામે રહેતા બાબુભાઈ રણમલભાઈ ડાંગર નામના 64 વર્ષના વૃદ્ધ રાત્રીના 12 વાગ્યાના અરસામાં પોતાનું બાઈક લઈ લતીપરથી પીઠડ જવાના રસ્તે જઈ રહ્યા હતા ત્યારે કેનાલ પાસે પહોંચતા એમપી. 69 એમઈ 2986 નંબરના બાઈક સાથે અથડાતા અકસ્માત સર્જાયો હતો. અકસ્માતમાં ગંભીર રીતે ઘવાયેલા વૃદ્ધને તાત્કાલીક સારવાર માટે રાજકોટ સિવિલહોસ્પિટલમાં ખસેડાયા હતાં. જ્યાં વૃદ્ધનું મોત નિપજ્યું હતું. પ્રાથમિક પુછપરછમાં મૃતક ચારભાઈ બે બહેનમાં મોટા હતા અને તેમને સંતાનમાં ત્રણ પુત્ર અને એક પુત્રી છે. બાબુભાઈ ડાંગર વાડીએથી ઘરે જતા હતા ત્યારે અકસ્માત સર્જાાયો હોવાનું જાણવા મળ્યું છે.

જામ કંડોરણાના મોજ ખીજડિયા ગામે રહેતા કાનજીભાઈ તેજાભાઈ ચાંડપા ઉ.વ.55 ઉપલેટાના વડાળી ગામે ગજની રાંગ તરીકે ઓળખાતી દિવાલ ઉપર બેઠા હતા ત્યારે અકસ્માતે દિવાલ પરથી નિચે પટકાયા હતાં. આધેડને ઈજા પહોંચતા સારવાર માટે રાજકોટ સિવિલ હોસ્પિટલમાં ખસેડવામાં આવ્યા હતાં. ઉપરોક્ત બન્ને બનાવ અંગે પોલીસે નોંધ કરી વધુ તપાસ હાથ ધરી છે.