નશબંધી કરાવેલા પરિવારને ફાળવેલ પ્લોટ પર ભૂમાફિયાઓનો કબજો

22 લાભાર્થીઓને પ્લોટનો કબજો સોંપવવા કોંગ્રેસની કલેકટરને રજૂઆત

રાજકોટના ભાવનગર રોડ, નવા થોરાળા વિસ્તારમાં રહેતા વિચરતી જાતિના લોકો ને વર્ષ 1989 માં શહેરી ઝોન ટોચ મર્યાદા ધારો 1976 કલમ-23 હેઠળ 22 પરિવારોને સરકાર દ્વારા નસબંધીમાં કાર્યક્રમમાં જોડાયેલ હતા. તેમાં સરકાર તરફથી નસબંધી તેમજ વિચરતીના 22 પરિવારોને સરકાર દ્વારા નવા ગામ, આણંદપર, કુવાડવાના ખરાબાની જગ્યામાં 25-25 વારના પ્લોટો ફાળવવામાં આવેલ હતા. સરકાર દ્વારા સોંપણી કરવામાં આવેલ ત્યારબાદ અમારી આર્થિક પરિસ્થિતિ ખૂબ જ ખરાબ હોય આર્થિક પરિસ્થિતિ તેમજ રોજગારીના અભાવે આ પરિવારો મકાન બનાવી શકયા ન હતા. આ જગ્યા ખુલ્લી હોવાથી આ જગ્યા ઉપર માથાભારે શખ્સો દ્વારા દબાણ કરવામાં આવેલ અને કબજો કરવામાં આવેલ.

આ બાબતે સરકારને અવાર-નવાર આ સમાજના પ્રતિનીધિઓ દ્વારા રજુઆત કરવામાં આવેલ. આ જમીન ઉપર આ લોકો પરિવાર સાથે કબજો લેવા જાય છે તો માથાભારે માણસો દ્વારા મારા-મારી ના બનાવ પણ બને છે અને આ લોકો ઉપર હુમલા થાય છે. આ લોકોના કહેવા પ્રમાણે ત્યાં કોઈ વિભાભાઈ ભરવાડ તેમજ વલ્લભભાઈ રણછોડભાઈ સોલંકી દ્વારા આ જમીન ઉપર બળજબરી પૂર્વક કબજો કરેલ છે. આ સાથે અમારી વિનંતી છે આ 22 પરિવારો પોતાના પ્લોટના તમામ નામ, નસબંધી કરેલ પ્રમાણપત્ર તેમજ સરકારના નિયમ અનુસાર ચલણ ભરેલ રકમની નકલ સાથે આપને રજુઆત કરીએ છીએ. આ 22 પરિવારોને સરકાર દ્વારા મળેલ પ્લોટોની સ્થળ તપાસ કરી આ વિચરતી જાતિ સમાજના 22 પરિવારોને પોતાના પ્લોટનો કબજો સોંપાય તેવી કાર્યવાહી કરવા કોંગ્રેસ દ્વારા રાજકોટ કલેકટરને આવેદનપત્ર આપી રજુઆત કરવામાં આવી હતી.